اسلام آباد۔ 30مئی (اے پی پی) وزیراعظم محمد نواز شریف بجلی نا لوڈشیڈنگ نا چٹفنگ کن گام گیج آتا جندی وڑاٹ جاچ ئِ ہلنگ کن سے شنبے نا دے پدریسہ ارٹ میکو دے کابینہ کمیٹی توانائی نا دیوان نا کماشی ئِ کرے۔ وزیراعظم آفس آن جاری بیان نا رداٹ دیوان اٹی سیکرٹری دیر و بجلی پارے کہ ساڑی آ کچ آن پورو فائدہ ہرفنگ کن سرجم وڑاٹ گام گیج کننگانے۔ وزیراعظم بروک آ 12آن ہلیس 36تو اسکان بجلی نا طلب و ساڑی وزیرتکمیل پلانٹ آن بجلی نا فراوانی نا بابت درست و حقی حساب وکتاب مرتب کننگ نا پارت کرے۔ وزیراعظم گردشی کڑزآتا تھرڈ پارٹی آڈیٹر آن دُوارہ تصدیق نا ہم پارت کرے تانکہ ایندھن نا بہائ، لائن لاسز و ایلو الم آتا سوب آن کلیم آتا تعین ئِ کننگ مرے۔ وزیراعظم بجلی و توانائی نا بشخ اٹی فیصلہ سازی نا عمل اٹی صوبائی نمائندہ غاتے اوار کننگ نا ہم پارت کرے۔ دیوان اٹی بنجائی وزیر خزانہ سینیٹر اسحاق ڈار، بنجائی وزیر دیر وبجلی خواجہ محمد آصف، بنجائی وزیر پٹرولیم و سیلہ شاہد خاقان عباسی، وزیر مملکت اطلاعات و نشریات مریم اورنگزیب و ایلو سینئر سرکاری کمامدارآک بشخ ہلکر۔
