اسلام آباد۔ 30 مئی (اے پی پی) بنجائی وزیر داخلہ چوہدری نثارعلی خان تون بھارت کن پندار پاکستانی سفیر سہیل محمود اوڑدہی کرے۔ اوڑدہی ٹی پاک بھارت تعلقداری و ڈیہہ نا حالیت آتیا خیال آتا درشانی ئِ کننگا۔ ترجمان وزارت داخلہ نا رداٹ اوڑدہی ٹی وزیر داخلہ پندار سفیر ئِ تعیناتی آ مبارکبادی تس۔ بنجائی وزیر داخلہ چوہدری نثارعلی خان پارے کہ ہڑتوم آ ملک آتا الس نا جوڑ جاڑ و شونداری و ڈیہہ ٹی امن و شونہالی نا تغ ہمووخت اسکان پورو مننگ کپک ہراوخت اسکان پاک بھارت تعلقداری تین پہ تینی منافرت وبے پتی نا گواچی سلک۔ اوپارے کہ ڈیہہ ٹی دیرپا امن کن المی ئِ کہ دیرینہ ویل آتا ایسری نا چرجوئی ٹی ہڑتوم آ کنڈآتیان مخلصانہ کوشست کننگے۔ بدقسمتی اٹ داوخت اسکان پاکستان نا کنڈآن کروک آ ہر کوشست روایتی بد پتی و بھارت حکومت نا ہٹ دھرمی نا گواچی مرساکرینے۔ اوپارے کہ بطور سفیر نے تروک آ زمواری اسہ چیلنج اسے، اومیت ئِ کہ نی دا زمواری ئِ پورو و پاکستان نا فائدہ غاتا رکھ ئِ کننگ اٹی تینا لائخی تے پبی کاریم اٹ اتیسہ۔
