اسلام آباد۔ 30 مئی (اے پی پی) مسلم لیگ (ن) نا راہشون دانیال عزیز پارینے کہ عمران خان ئِ عدالت نا کنڈآن پیش مننگ نا آخریکو موقع تننگا و او پیش متو، عمران خان پاکستان ئِ اخس کہ نسخان رسیفے اونا مثال ہم ملیپک ، اوعدالت آتیان نروک ئِ۔ الیکشن کمیشن نا پیشن میڈیا تون ہیت وگپ کرسا اوپارے کہ اینو ہراتم عدالت آن داتوار بڑز مریک کہ عمران خان ولد اکرام اللہ نیازی پیش مرے تو او پیش مفک او مفرورئِ، عمران خان 788 نا اشتہاری مننگ نا باوجود آجوپیری خلنگ ئِ۔ دانیال عزیز پارے کہ انت اونا برخلاف ہچ وڑنا کارروائی اس درکار اف ، انت میڈیا نا قوائد و ضوابط نا اطلاق عمران خان آ مفک ۔ است ہسونی نا ہیت اسے کہ 2008 ءنا الیکشن نا بائیکاٹ ئِ کروک آ عمران خان 2010ءاسکان ہچ وڑنا دوبہ اس خلتو و اناگت مچ آ دنیا نا کنڈآن اودے فنڈنگ نا چرجوئی بناءکرے و اسہ نن اٹی سیاسی ئُ جماعت اس جوڑ مس و خیبر پختونخوا ٹی حکومت ہم جوڑ کرے۔ اوپارے کہ عمران خان نا ستخط شدہ شاہدی یوایس جسٹس ڈیپارٹمنٹ اٹی جمع ئِ ہراڑآن معلوم مریک کہ مچ آ دنیا نا انویسٹر و فلڈ ریلیف ہم اوٹی اوار ئُ۔ اوپارے کہ الس عمران خان ئِ چاہسونو۔
