اسلا م آباد۔ 30 مئی (اے پی پی) وزیر مملکت قومی جان جوڑی سائرہ افضل تارڑ پارینے کہ مچ آ صوبہ ٹی خلوک آ 319 روچہ بازار تیٹی ہڑزان و معیاری کنوئی آ گڑاتا فراوانی کن 9 ارب روپئی نا بھلو سبسڈی اس حکومت پنجاب نا اسہ الس دوست ئُ گام اسے و وزیراعلیٰ پنجاب محمد شہباز شریف نا خصوصی پارت آ روچہ بازار تیٹی بورہ، نُت، سُو، سوزی، میوہ و ایلو گڑاتا لس بازار تا نسبت کم نرخ آتیا وافر دستیاب ئُ۔ اوپارے کہ ضلعی انتطامیہ روچہ بازار تیٹی الس ئِ ہروڑآسراتی تا فراوانی کن کوشست کننگ ئِ و صارف آتا بھلو کچ اس دابازار تیٹی گڑا ہلنگ کن بننگ اٹی ئُ۔ ہراڑآن اوفتا حکومت نا دا گام آ پبی پت انا ہم درشانی مریک۔ ڈپٹی کمشنر حافظ آباداللہ دتہ وڑائچ، اے سی عمر فاروق وڑائچ، بازار انچارج نواز گوہر و ایلو افسرآک ہم داوخت آ اوڑتون اوار ئسر۔
