اسلام آباد۔ 30 مئی (اے پی پی) کوئٹہ جیل روڈ آ مسجد نا پیشن سم کاری آن بھاز ٹھپی مروک آ ڈی ایس پی ہیڈ کوارٹر دنیا ئِ اِلا۔ نجی ٹی وی چینل نا رداٹ کوئٹہ جیل روڈ آ واقع مسجد ڈی ایس پی ہیڈ کوارٹر عمرالرحمان تینا ایلم نا مار انسپکٹر بلال تون اوار شام انا نماز ئِ خواننگ کن ہناکہ کہ مسیت آن پیشن نادرست بندغ آک اوفتیا سم کاری کریر۔ ہراٹی ڈی ایس پی ہیڈ کوارٹر و اونا ایلم نا مار ٹھپی مسر۔ پولیس نارداٹ ڈی ایس پی عمرالرحمان ٹھپ آتا وس ئِ ہَتنگ کتو دنیا ئِ السا شہید مس۔ وزیراعلیٰ بلوچستان جیل روڈ آ سم کاری آن ڈی ایس پی ہیڈ کوارٹر عمرالرحمان نا تپاخت و سب انسپکٹر بلال نا ٹھپی مننگ آ است ہسونی نا درشانی ئِ کرسا واقعہ نا ترندی اٹ مذمت ئِ کرے و رپورٹ ئِ بٹنگسا کانود نافذ کروک آ کمامدارآتے واقعہ ٹی اوار بندغ آتا دمدستی دزگیری نا پارت کرینے۔
