سنچورین۔ 13 ستمبر (اے پی پی) سویلی افریقہ و آسٹریلیا نا کرکٹ ٹیم تا نیام اٹ پنچ اسہ دے ئی جہانی میچ آتیا تالان سیریز نا چارمیکو میچ 15 ستمبر آ سپر سپورٹس پارک، سنچورین اٹی مریک۔ ہڑتوم آ ٹیم تا نیام اٹ دا میچ ڈے اینڈ نائٹ مریک۔ آسٹریلیا ءِ میزبان پروٹیز ٹیم نا برخلاف پچن میچ آتا سیریز اٹی 2-1نا برتری دوئی ءِ، کینگروز اولیکو میچ اٹی 3 وکٹ و ارٹ میکو میچ اٹی 123 رنز اٹ سرسہبی دوئی کریسس، وخت اس کہ مسٹ میکو میچ اٹی پروٹیز ٹیم جاندار کم بیک کرسا مہمان کینگروز ٹیم ءِ 111 رنز اٹ شکست تسوسس۔ داکان مست آسٹریلوی ٹیم مسہ ٹی ٹونٹی میچ آتیا تالان سیریز اٹی میزبان پروٹیز ءِ وائٹ واش کریسس۔ ون ڈے سیریز اٹی پروٹیز ٹیم ءِ ٹیمبابوومالیڈ کیک وخت اس کہ آسٹریلوی ٹیم مچل مارش نا کماشی ٹی میدان اٹ دڑنگک۔ ہڑتوم آ ٹیم تا نیام اٹ پنچ میچ آتا سیریزنا چارمیکو میچ 15 ستمبر آ سنچورین وخت اس کہ پنچ می و آخیریکو میچ 17 ستمبر آجوہانسبرگ اٹی مریک۔
