تہران۔ 30 مئی (اے پی پی) ایران نا دارالحکومت تہران اٹی قرآن مجید نا 25می جہانی نمائش نا بناءمس۔ ایرانی ذرائع ابلاغ نا رداٹ تہران نا امام خمینی مصلی پنی ئُ ہند اسے آ قرآن مجید نا بناءکروک آ دانمائش نا بنائی دود اٹی ایران نا وزیر دودوربیدہ و ارشاد اسلامی و ملکی و درملکی قاری نیز قرآنی محقق آک ہم شرکت کریر۔ تہران اٹی اڈ ہلوک آ قرآن مجید نا دا جہانی نمائش اٹی کم و ود 50 تنظیم و ادارہ غاک شرکت کرینو۔ نمائش اٹی 20 قرآنی پٹ وپول و قرآن مجید نا بابت اسہ دستاویزی فلم اسے نا رونمائی ئِ ہم کننگک۔ دا جہانی نمائش اٹی ایران نا 281و چندی ملک منجملہ ترکی، عراق، لبنان و شام انا 16ناشریں تینا پن تے نوشتہ کرفینو۔ تہران اٹی اڈ ہلوک آ قرآن مجید نا دا جہانی نمائش 16جون اسکان برجاءسلک۔
