اسلام آباد۔ 29 مئی (اے پی پی) مزن وزیر محمد نواز شریف ئَ رمضان المبارک ئِ ساھت ئَ توان ئِ لوڈشیڈنگ کم چہ کم کنگ ئِ حکم دات۔ دو شمبے ئَ کابینہ کمیٹی برائے ھاٹیگ ئِ دیوان ئِ سروکی ئَ کنان ئَ مزن وزیر محمد نواز شریف ئَ لوڈ شیڈنگ ئِ استیں شیڈول ئِ سر ئَ دلگرانی ئِ درشان کت۔ آئی ئَ زور پر دات کہ توامیں لائن ڈیپارٹمنٹ گرماگ ئِ موسم ئِ ساھت ئَ اُلس ئَ را گیشاں چہ گیش ریلیف پُجارینگ ئِ مول ئُُ مراد ئِ رد ئَ جوانیں سسا بدار اَنت۔ مزن وزیر ئَ گوشت کہ حکومت ئَ توان ئِ کمیگ ئِ سبب ئَ اُلس ئِ دیم پہ دیمیں جیڈھ آں گوں شر سرپد آں ئُُ ھما وھد ئَ تاں آرام ئِ دل نہ ننداں تاں اُلس ئَ ریلیف مہ رسیت۔ جاور ھال آناں دیم ئَ ایر کنان ئَ مزن وزیر ئَ کابینہ ئِ ھاٹیگ کمیٹی ئِ دیوان (مرچی) سئے شمبے ئَ دووارگ گوانک جتگ۔ کمیٹی ئَ را گوشگ بوت کہ مارچ 2018ئَ 9ھزار 107میگاواٹ ئِ گیشیں توان ٹرانسمیشن سسٹم ئَ پُجاری بیت۔ سیکرٹری آپ ئُُ توان ئَ کمیٹی ئَ را بریفنگ دیان ئَ کابینہ ئِ ھاٹیگ کمیٹی ئِ گوستگیں دیوان ئِ پیسلہ آنی سر ئَ دیمروئی، استیں لوڈمینجمنٹ پلان، سرکلرڈیٹ، آیوکیں ھاٹیگ ئِ منصوبگ آں چہ توان ئِ بھر ئُُ بانگ ئُُ ٹرانسمیشن ئُُ پاور پلانٹس آنی کارمردی ئِ بابت ئَ سرپد کت۔ کمیٹی ئَ را گوشگ بوت کہ بھکی ئُُ حویلی بہادر شاہ پلانٹس ئِ لستیں ٹربائن ئَ را کسانوکیں تکنیکی جیڈھ ئَ گوں دیم پہ دیمی اِنت ھرچی مینوفیکچرئِ نیمگ ئَ گیوار کنگ بوھگ ئَ انت۔ مزن وزیر ئَ پنت ئُُ شون دات کہ جوڑیشت ئِ کار زوت سرجم کنگ بہ بیت۔
