واشنگٹن۔ 29 مئی (اے پی پی) صدر ڈونلڈ ٹرمپ دے ٹک نیامی و یورپ نا 9 دے ئی دورہ ئِ پورو کرسا واشنگٹن آ پدی سرمس۔ امریکی ذرائع ابلاغ نا رداٹ اواخبار آتیٹی شینک مروک آ دا خبر تا تردید ئِ کرینے کہ وائٹ ہاﺅس اٹی افراتفری تالان مسنے، و اونا سلاہکار و اونا روس اتون رابطہ غاتا چھان بین برجائِ۔ اووطن واپسی آ ٹوئٹر آ چندی بیان آتیٹی پارینے کہ امریکہ کن اونا دورہ بے کچ سرسہب، سخت خواری طلب، ولے گچین ئُ نتیجہ غاتا حامل ممس۔ او امریکی ذرائع ابلاغ نا بارواٹی بھلو وخت اسے آن برجا تینا غاوتا تذکرہ ئِ کرے۔ ٹرمپ پارے کہ کنا خیال دادے کہ وائٹ ہاﺅس آن لیک مروک آ رپورٹ آک من گھڑت ئُ، میڈیا نا تالان کروک آ دونمبر خبرآک ہی اصل دشمنک ئُ۔
