اسلام آباد۔ 29 مئی (اے پی پی) وزیر خزانہ اسحاق ڈار پارینے کہ سینیٹ و قومی اسمبلی ٹی بجٹ آ شرہ ٹی جوائنٹ سیکرٹری نا عہدہ نا افسر نوٹس ہلنگ کن ساڑی مریک۔ دوشنبے نا دے ایوان بالا ٹی وزارت خزانہ نا بڑزکو افسر آتا ساڑی مفننگ نا معاملہ غا خیال آتا درشانی ئِ کرسا اوپارے کہ ہرا جوائنٹ سیکرٹری نا سینیٹ اٹی ڈیوٹی ئِ خلنگاسس اونا طبیعت ناساز مس ہرانا سوب آن او ساڑی مننگ کتو۔ دا چرجوئی ٹی او چیئرمین سینیٹ آن معذرت ہم کرینے۔ اوپارے کہ سینیٹ ئِ حکومت قومی اسمبلی آنبار ہی اہمیت ایتک۔ گدرینگوک آ سال سینٹ آن گدریفوک انگا 80 شفارش آتے منظور کننگا وخت اس کہ داکان گدرینگوک آ سال 34 سفارش آتے منظور کننگاسس۔ ننا کوشست مریک کہ ہراہم فائدہ نا سلاہ اس برے اودے منظور کننگے۔
