اسلام آباد۔ 28مئی (اے پی پی) پاکستان مصر انا صوبہ مینیا ٹی قبطی مسیحی تے دروک آ بس آ دہشت گردی نا جلہو نا ترندی اٹ مذمت ئِ کرینے ہراٹی چندی بندغ آک تینا جان تیان دوتے سلانووخت اس کہ چندی ایلوک ٹھپی ئُ۔ یک شنبے نا دے داڑے جاری بیان اٹی ترجمان دفترخارجہ زہمی خاہوت آتون پاکستان نا حکومت و الس نا کنڈآن ڈکھ ، است ہسونی و ہمدردی و ٹھپی تا زوت دراخی کن دعا کرینے۔ ترجمان پارے کہ دہشت گردی نا لعنت نا چٹفنگ اٹی پاکستان نا حکومت و الس مصر انا حکومت و الس تون ہم کوپہ سلوک ئُ۔ ترجمان دہشت گردی نا غٹ دروشم و مظاہر آتے مسترد کننگ نا پاکستان نا موقف نا اعادہ ئِ ہم کرے۔
