قطبی علاقہ جات ئِ سیل و سواتی تا جنت گوندا
اسلام آباد۔ 28 مئی (اے پی پی) برطانوی ہائی کمشنر تھامس ڈریو سوات آ سرمس۔ نجی نیوز چینل نا رداٹ برطانوی ہائی کمشنر 2007ءٹی بناءکروک آ دہشت گردی آن پد سوات نا دورہ ئِ کروک آ اولیکو درملکی سفیر ئِ۔ سوات آ سرمننگ آ اوپاکستان نا قطبی علاقہ جات ئِ سیل و سواتی تا جنت گوندانے۔ اوسوشل میڈیا غا تینا دورہ نا عکس آتے ہم شیئر کرسا سوات نا زیباانگا ندارہ غاتا ستائِ کرے۔ تھامس ڈریو ئِ سوشل میڈیا غا ورندی ترسا گڑاس خلقت کاغان، ناران، نتھیاگلی و بنجونسہ کون آ ہند آتا ہم ہِننگ نا سلاہ تسنو۔ ولے گڑاس بندغ اونا دورہ ئِ درملکی سیل و سواتی تے کن کلہو اس گوندانو۔
