نیویارک۔ 28 مئی (اے پی پی) پاکستان جہانی ادارہ غا زورشاغانے کہ جنگی جھیڑہ غاتا گواچی علاقہ غاتیٹی شاری تا رکھ اکن گام گیج آتے گچین جوڑ کننگے و انسانی زند آتے بچفوک آ طبی عملہ و میڈیکل ماڑی تیا جلہو آتا چٹفنگ کن ٹھوس گام گیج کننگے۔ اقوام متحدہ نا سلامتی کونسل اٹی جنگی بیدادی نا گواچی علاقہ غاتیٹی شاری تا رکھ انا بارواٹی شرہ مس ہراٹی بشخ ہلسا اقوام متحدہ ٹی پاکستان نا آخبتی مندوب ملیحہ لودھی جنگ زدہ علاقہ متحارب کڑدہ غاتا کنڈآن غیر عسکریت پسند ادارہ غاتیا جلہو برجاسلنگ آ گڑتی نا درشانی ئِ کرے و میڈیکل ہسپتال و طبی عملہ آ جلہو آتا چٹفنگ کن ٹھوس گام گیج کننگ نا خواست کرے۔ اوپارے کہ میڈیکل نا ماڑی و ہسپتال وغیرہ تیا جلہو آتیان انسانی زند بچفنگ نا کوشست آک ہم تہہ و بالا مریرہ ہراٹی سول آبادی نا مشکل و ویل آتیٹی پین ودکی مریک۔ اوجنگ آتا زہمی بندغ آتا حالیت زار نا بارواٹی اقوام متحدہ نا سیکرٹری جنرل انٹوینو گوئیٹیرس نا اسہ رپورٹ اسے نا حوالہ ئِ تس ہراٹی پاننگانے کہ جنگ زدہ علاقہ غاتیٹی 2کروڑ آن زیات بندغ قحط نا گواچی ئُ وخت اس کہ قحط نا گواچی دا بندغ آتیٹی 14لکھ چناہم اوار ئُ و جنگ زدہ علاقہ غاتیٹی دا تنکی تون مون تننگ کن جہانی برادری نا کنڈآن کروک آ گام گیج آک بس افس۔
