آخریکو 15دے بشام نا پرتا سوب آن موسم خوشگوار مریک
اسلام آباد۔ 28مئی (اے پی پی) روچہ مبارک نا اولیکو پانزدہ دے اٹی ملک انا گیشتر علاقہ غاتیٹی موسم باسن و بارُن سلک ولے آخریکو دے بشام آن مست پِر تا سوب آن موسم خوشگوار مریک۔ محکمہ موسمیات نا ترجمان ڈاکٹر محمد حنیف پارے کہ روچہ مبارک نا اولیکو پانزدہ دے اٹی ملک انا کم و ود 80 درسد علاقہ غاتیٹی موسم باسن و بارُن سلک ولے آخریکو پانزدہ دے اٹی پِر انا ارٹ یا مسہ چرجوئی تیان درجہ حرارت اٹی کمتی بریک ہراڑآن روچہ تخوک آتے آسودہی مریک۔ اسہ سوج اسے آ اوپارے کہ بنائی پانزدہ روچہ اسکان پِر انا اسہ اِرا چرجوئی بننگ کیک، داکان بیدس ہر ارٹ میکو و مسٹ میکو دے موسم جمبری سلنگ نا گمان ئِ ہراڑآن ٹمپریچر اٹی کمتی بریک۔ اوپارے کہ عمومی وڑاٹ بشام نا پِر تیان مست جون انا ارٹ میکو یا مسٹ میکو ہفتہ ٹی بناءکیک ولے اینخو سال دا پِرک ارٹ میکو ہفتہ ٹی ہی بناءکیرہ وخت اس کہ بشام نا پِر تا بناءجولائی نا اولیکو ہفتہ غان مریک ۔
