28مئی مچ آ اسلامی دنیا نا تاریخ اٹی اسٹ ئُ دے اسے
اٹک۔ 28 مئی (اے پی پی) بنجائی وزیر پارلیمانی امور شیخ آفتاب احمد پارینے کہ اینو نئے بیرہ پاکستان نا تاریخ اٹی بلکن مچ آ اسلامی دنیا ناتاریخ اٹی اسٹ ئُ دے اسے ، ہراٹی پاکستان اسلامی ملک آتا اولیکو و مچ آ دنیا نا ملک آتا ہفت میکو ایٹمی واک جوڑ مس 28 مئی انا دے داخاطران ہم اہمیت نا دے اسے کہ ملکی مفاد اٹی میاں محمد نواز شریف ایٹمی دھماکہ کرے و دنیا نا زور ئِ مسترد کرے و دا کلہو ئِ تس کہ ننا قوم دفاع پاکستان کن ہر قربانی کن تیار ئِ۔ او داخیال آتا درشانی ئِ یوم تکبیر نا دے انا بابت تینا ہنکین گاہ غا اے پی پی تون خصوصی ہیت وگپ کرے داوخت آ میونسپل کمیٹی اٹک نا چیئرمین ناصر محمود شیخ ہم ساڑی ئس۔
