اسلام آباد ۔ 27 مئی(اے پی پی) بُنجاھی وزیر خزانہ اسحاق ڈار ئَ گوشت کہ آیوکیں مالی سال ئِ بجٹ ئَ ٹیکس آنی در جنگ ئِ کساس 3500ارب کلدار ئَ چہ گیش کنان ئَ 4013ارب کلدار کنگ بوتگ ئُُ ایشی ئِ تہ ئَ لس مردم ئِ سر ئَ ٹیکس اچ نوکیں ٹیکس جنگ نہ بیت، بجٹ ئَ 120ارب کلدار ئِ ٹیکسز جنگ بوتگ وھدیکہ بازیں ٹیکسز ئُُ ڈیوٹی آنی سر ئَ 33ارب کلدار ئِ ریلیف پُجارینگ بوتگ، کشت ئُُ کشاریئِ ھاترا گوستگیں سال ئِ توامیں ریاتی پیکج برجا کنگ بوتگ اَنت، ڈی اے پی کھاد ئِ سر ئَ سیلز ٹیکس ئَ 300کلدار ئِ کمیگ کنگ بوتگ، ٹیوب ویل ئِ ھاترا توان ئِ ریٹ 5.35کلدار یک یونٹ کنگ بوتگ، کشت ئُُ کشار آنی آپ ئِ ھاترا 3 ئَ چہ 36ہارس پاور پیٹرانجنو آنی سر ئَ ٹیکس ھلاس ئُُ پولٹری ئِ شوبگ ئَ ٹیکسز ئِ نمب ءَ را 17درسد ئَ چہ 7درسد کم کنگ بوتگ۔ اِچ اے وڑیں ٹیکس جنگ نہ بوتگ کہ آ شیر ئِ نیاد ئِ تہئَ گیشی بیار ایت، 15جولائی ئَ تاں 10لکھ ئَ چہ کم سیلز ٹیکس ریفنڈ کلیم کلیئر کنگ بنت وھدیکہ ایشی ئَ چہ کلیمز 14اگست ئَ تان کلیرر کنگ بنت ئُُ اے نظام آن لائن کنگبیت، پاکستان زوت جی 20ملک آنی لڑ ئَ ھوار کپیت، حکومت یک ارب ڈالر مالیت ئِ بانڈز جاڑی کنت ئُُ زرّ ئَ: آدیم نندوکیں پاکستانی آں ھوار در ملکی ایشی ئِ تہ ئَ سرمایہ کاری کت کن اَنت، زرّ ئَ آدیم پاکستانی آنی ھاترا اسلام آباد ئِ ندوکی جاھ آں سیکٹر جوڑ کنگ بیت، ایشی ئِ ھاترا در ملکی زرّ ئَ بنکنگ چینل ئَ گوں بیت، سرمایہ کاری ئِ دیمروئی ئِ ھاترا پاکستان انفراسٹرکچر ڈویلپمنٹ بینک برجا کنگ بیت ایش نا ایوک ئَ جندی سرمایہ کاری کنت، کسانیں وام زوروکانی آسراتی ئِ ھاترا پاکستان پاورٹی فنڈ ئَ ھوار ایندگہ ادارگ آنی کمک ئَ چہ پاکستان میکروفنانس کمپنی جوڑ کنت، سرکاری ملازم آنی پگار ئَ 50درسد ایڈہاک گیشی ئِ بنیات ئَ پنچ لکھ کلدار ئِ وام ماپ کنگ بنت، بجلی ئِ لوگی کارمردی ئِ ھاترا 300یونٹ توان ھرچ کنگ، ٹیوب ویل ئُُ بلوچستان ئِ ھوالگ ئَ سنسڈی ئُُ آسراتی برجا کنگ بنت، سیلز ٹیکس ئِ نمبگ ئِ تہ ئَ گیشی ئَ شیمنٹ ئِ یک گوننی ئِ نیاد ئِ تہ ئَ 12کلدار ئَ تاں گیشی آرگ بیت، 2018ئِ سال گچین کاری ئِ سال اَِنت،ایشی ئِ ھاترا امیت کنگ بوھگ ئَ اِنت کہ آیوکیں مالی سال ئِ بجٹ ئَ آسراتی دیگ بیت ئُُ حکومت ئَ سرجمیں کوشست کتگ کہ میکرو اکنامک برجائی ئِ نپ آناں محفوظ کنگ ئَ چہ گیشاں گیش نپ چست بکن اَنت۔ شمبے ئِ روچ ئَ اِدا بجٹ ئَ چہ پد پریس کانفرنس ئَ گشتانک دیان ئَ بُنجاھی وزیر ئِ ھزانگ سینیٹر محمد اسحاق ڈار ئَ گوشت کہ مارا ملک ئِ معاشی برجائی ئِ ھاترا یکجابوھگ ئُُ گوں ترندی ئَ کار کنگی اِنت۔ آئی ئَ گوشت کہ ما را درساناں چارٹر آف اکانومی ئِ سر ئَ تپاک کنگی انت تاںکہ معاشی کساس در جنگ بہ بیت۔ آئی ئَ گوشت کہ مارا وتی جیڈھ آناں دیم ئَ ایر کنان ئَ دیمروئی ئِ ھد ئُُ ابیل آنی نیمگ ئَ جنزگ ئِ کوشست کنگی اِنت ئُُ راجی بجٹ ئِ کساس ئَ 4256ارب کلدار ئَ چہ گیش 4753ارب کلدار کنگ بوتگ۔ آئی ئَ گوشت کہ امیت اِنت کہ آیوکیں سال ئَ معاشی کساس در جنگ بنت وھدیکہ انویسٹمنٹ ٹوجی ڈی پی ئِ کساس 17درسد ئُُ افراط ئِ زر 6درسد ئِ تک ئَ چہ کم ایر کنگ بیت۔ آئی ئَ گوشت کہ ملک ئَ معاشی دیمروئی ئِ ھاترا میکرواکنامک سٹریٹیجی ئِ چیر دستی ئَ بجٹ تیار کتگ۔ آئی ئَ گوشت کہ آیوکیں مالی سال ئِ ساھت ئَ اولی رند ئَ دیمروئی بجٹ ئِ تہ ئَ گیشی بوتگ ئُُ حکومت ئَ ایوک دیمروئی منصونگ آنی سرجمی ئِ ھاترا وام زرتگ۔ وزیر ئِ ھزانگ ئَ گوشت کیہ دُگنیا ئِ مزن مزنیں معشیت آنی تہ ئَبے متلب ایں دیمروئی ھرچ ئُُ درچ آنی ھاترا وام زورگ بنت بلے مسلم لیگ (ن) ئِ حکومت ئَ ایوک ئَ دیمروئی ھرچ ئُُ درچ ئِ ھاترا وام زرتگ۔ آئی ئَ گوشت کہ راجی معشتی ئِ سر ئَ زور ئَ ابید کہ گوزوکیں مالی سال ئِ ساھت ئَ مشینری ئِ درآمدات آنی ئَ گیشی اتکگ ایشی ئَ چہ توامیں شوبگ آنی تہا دیمروئی ئَ کمکئُُ معاشی نمبگ ئِ تہ ئَ گیشی اتکگ۔ آئی ئَ گوشت کہ راجی گرڈ ئَ 10ھزار میگاواٹ توان ئِ ھواری ئِ ھد ئَ سر بوتگ اَنت ئُُ ملک ئَ چہ لوڈ شیڈنگ ئِ ھوپ ئَ چہ مدامیگیں واستہ ھلاسی بیت۔ اسحاق ڈار ئَ گیش گوشت کہ چاگردی رکھینگ ئِ ھاترا پروگرام آنی واستہ بجٹ ئِ ئَ 121ارب کلدار ئِ تہئَ گیشی وھدیکہ ایف پی آر ئِ ٹیکس آنی گرگ ئِ ھد ئَ 14درسد گیشی کنگ بوتگ۔ اے رنگ ئَ بُنجاھی ھرچ ئُُ درچ ئَ 11درسد گیشی کنگ بوتگ۔ آئی ئَ امیت سہرا کُت کہ زوت پاکستان 20ھما دیمروئی کتگیں ملک آنی لڑ ئَ ھوار کپیت۔ میکرواکنامک برجائی ئِ ھوالگ ئَ کسانیں وام زوروکیں مردم آنی آسراتی ئِ ھاترا پاکستنا پاور ٹی فنڈ ئَ ھوار ایندگہ ادارگ آنی تپاکی ئَ چہ پاکستان میکروفنانس کمپنی جوڑ کنگ بیت ایشی ئَ چہ کارمرد کنوک آنی کساس 4ملین ئَ چہ ودیت ئُُ 10ملین ئَ سر بیت تانکہ گیشاں چہ گیش مردم نپ چست بکن اَنت۔ کسانیں ئُُ نیامی درجگ ئِ کاروباری ادارگ آنی شوبگ ئِ ھاترا بازیں آسراتی پُجارینتگ۔ آئی ئَ گوشت کہ جاپان ئُُ جرمنی ئَ ھوار بازیں ایندگہ مھکمیں معشت آنی رنگ ئَ ایس ایم ای ئِ شوبگ ئَ گوچنی رنگ ئَ راجی معشیت ئِ سرین ئِ ھڈ ئِ بستار ئَ جوڑ کنگ بیت ایشی ئَ چہ معشیت ئِ تہ ئَ گیش دیمروئی بیت۔آئی ئَ گشتگ کہ ایشیءَ ابید سرکاری ملازم آنی ھاترئَ دگہ آسراتی ھم بجٹئِ تہا ھوار کنگ بوتگ اَنت۔ ھزانگئِ وزیر ئَ گشتگ کہ گوستگیں بجٹ ئِ تہا پگارءُ الاﺅنس آنی تہا گیشی ئَ چہ 60ارب کلدارئِ ھرچہ بوتگ اَت وھدے کہ اے سال اے ھوالگئَ چہ 125ارب کلدار ئِ ھرچہ بنت، ایشی ئِ ھاترئَ دگہ جتاھیں بجٹئِ ھچ ضلورت نہ بیت چیاکہ اے ھوالگئَ چہ بازیں ڈویژن ءُ محکمہ آنی ھاترئَ پیسرئَ چہ بجٹ ایر کنگ بوتگ اَنت۔ آئیئَ گشتگ کہ گوستگیں روچئَ سئے چار وزارت آں رﺅگئَ پد سرکاری ملازم آنی ردعمل زانگئِ موھ رسیتگ آ باز وش بوتگ اَنت، ایشیئَ ابید شہیدءُ آھانی ھاندانءُ ناشرکاری ئِ جنگئِ تہا معذور بوتگیں مردمانی ھاترئَ ھاسیں آسراتی ئِ پیسلہ کنگ بوتگ وھدے کہ سماجی پلگاری ئِ پروگرام ئِ ھوالگئَ پاکستان بیت المال ئِ بجٹ ئِ تہا 50درسد ئِ گیشی ئَ چہ ایشی ئَ را 4ارب ئَ چہ 6ارب کلدار ئَ تاں گیش کتگ۔ آئی ئَ گشتگ کہ مسلم لیگ(ن) ئِ حکومت ئَ وتی گوستگیں دور حکومتئَ ہاﺅس بلڈنگ ئِ جنوزام زالبولانی ھاترئَ سئے لکھ ءُ نیم ئِ وام پہیل کتگ بوتگ اَنت بلے نوں تاں پنچ لکھ ئِ وام پہیل کنگ بنت کہ ھزانگئِ وزارت ادا کنت۔ اے ھرچہ آنی تخمینہ 2.5اربئَ چہ 3ارب کلدار جوڈ بنت، آئی ئَ گشتگ کہ بجلی ئِ لوگی صارفین آنی ھاترئَ 300یونٹ بجلی صرف کنگئِ ، ٹیوب ویلءُ بلوچستان ئِ ھوالگئَ سبسڈی ءُ آسراتی دیئگ بنت کہ ایشی ئِ سرئَ 121ارب کلدار ئِ ھرچہ ادا کنگ بیت۔ آئی ئَ گشتگ کہ معیشت ئِ بازیں پڑآنی تہا اصلاحاتءُ ٹیکسز ڈیوٹی آنی سرئِ سرئَ مٹءُ بدلی آھانی شورءُ صلہ ئَ چہ کنگ بوتگ۔ اسحاق ڈار ئَ گشتگ کہ سیمنٹ ئِ سرئَ 25درسد ٹیکس ئِ گیشی ئِ ھال شنگ کنگ بوھگئَ اِنت کہ اے دروگ اِت وھدے کہ سیلز ٹیکس ئِ شرح ئِ تہا گیشی ئَ چہ سیمنٹ ئِ یک گونی ئِ نیاد ئِ تہا تنا12کلدار گیش کنگ بوتگ۔ آئیئَ گشتگ کہ حکومت ئَ ٹیکسءُ ڈیوٹیئِ شرح ئِ تہا کسایں گیشیے معاشی دیمروئی ئِ مول ءُ مراداں ھاسل کنگئِ ھاترئَ کنگ بوتگ، ملک ئِ دیمروئی ئِ ھاترئَ اگاں کمو گیش بار سگءُ اوپار کنگ بہ بیت گڈا بائد اِنت کہ مردم بہ کنت چیاکہ معاشی دیمروئی ئِ مول ءُ مراد مئے ھاترئَ باز ھاس بہ بنت۔ آئی ئَ بجٹئِ کوریجئِ وھدئَ ھال درئِ جوانیں ءُ مثبت کردئَ را ساڑاتگ۔ اے موھئِ سرئَ صحافی آنی جُستانی پسو داتگءُ اسحاق ڈارئَ گشتگ کہ پوریاگرآنی کم چہ کم پگار بازیں فریقینئِ گوما شورءُ صلہ ئَ پد ایر کنگ بوتگ بلے انگت اے جیڑھئِ سرئَ گیش چار ءُ بچار کنگ بوت کنت۔ کسان اتحاد ئِ زارشانی ئِ ھوالگئَ ھزانگئِ وزیر ئَ گشتگ کہ اقتصادی ٹیم ءُ آئی ئَ وت ھم شریدارانی گوما گند ءُ نند کتگ، آھاناں آھانی لوٹانی پیلو کنگءِھوالگئَ اوست مندی داتگ کہ وزارتئِ ھاترئَ ریلیف پیکج جاری کنگ بہ ءُ بجٹ ءِ تہا ھاسیں ھم دیئگ بیت بلے آبجٹئِ آھگئَ پیسرئَ دگانی سرئَ دراَتکگ اَنت۔ آھاناں بجٹ ئِ ودار کنگ لوٹ اِتگ اَت۔ یک دگہ جُستےئِ پسوئَ آئی ءَ گشتگ کہ بجٹئِ نام ئِ سرئَ چیزآنی نیاداناں گیش کنگئِ موکل دیئگ نہ بیت، بجٹ ئِ تہا اے وڑیں ھچ گامیگج چست کنگ نہ بوتگ کہ ایشیئَ چہ نیادانی سر ئَ اثر بہ کپ ایت، اے ھوالگئَ وزارت نیشنل فوڈ سیکیورٹی اینڈ ریسرچ ئَ ابید ھمگرنچیں انتظامیہ ئِ گوما ھم نزیکی کنگ بیتءُ آئی ئَ را نیاداناں گرءُ دار کنگئِ ھوالگئَ گامگیج کنگئِ ھوالگئَ گشگ بیت۔ مزن وزیرئِ ریونیوئِ ھاسیں کمک کار ہارون اختر خان ، ھزانگئِ بنجاھی سیکرٹری ، سیکرٹری شماریاتءُ دگہ مزنیں حکام ھم اے موھئِ سرئَ ساڑی بوتگ اَنت۔
