اسلام آباد۔ 27مئی (اے پی پی) بنجائی وزیر خزانہ سینیٹراسحاق ڈار پارینے کہ بروک آ مالی سال انا بجٹ اٹی قومی گریڈ اٹی 10 ہزار میگاواٹ بجلی اوار کننگ نا ہدف ئِ مقرر کننگانے۔ ہفتہ نا دے داڑے پوسٹ بجٹ پریس کانفرنس آن تران کرسا وزیر خزانہ پارے کہ بجلی و توانائی نا کاختی نا مون ئِ توننگ کن ساڑی حکومت عملی گام گیج کرینے ہراٹی لوڈشیڈنگ اٹی کمتی بس و قومی گریڈ اٹی ودکی بجلی اوار کننگا۔ اوپارے کہ بروک آ مالی سال 2017-18ءٹی قومی گریڈ اٹی پین 10 ہزار میگاواٹ بجلی اوار کننگ نا ہدف ئِ مقرر کننگانے۔ وزیر خزانہ پارے کہ سی پیک نارداٹ بجلی و توانائی نا چندی ڈٹ آتیا کاریم مننگ ئِ ہراٹی ملک آن لوڈشیڈنگ نا تہاریک ہمیشہ کن مُر مریرہ۔

متعلقہ مضامینمصنف کی طرف سے مزید