اسلام آباد۔ 27مئی (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر میدانی علاقہ غاتیٹی موسم بھاز باسن و پِرکپک ولے ہزارہ ڈویژن، کشمیر و ایب وکیب مشی آ علاقہ غاتیٹی گڑاس ہند آتیا ہورہ و گروک تون پِر انا گمان ئِ۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم بھاز باسن و پِرکپک وخت اس کہ مالاکنڈ ڈویژن و گلگت بلتستان اٹی گڑاس ہند آتیا ہورہ و گروک تون ہلکا پِر مس۔ غٹ آن زیات پِر کالام اٹی 07 ملی میٹر و استور اٹی اسہ ملی میٹر ریکارڈ کننگا۔
