اسلام آباد۔ 27مئی (اے پی پی) اسلام آباد چیمبر آف کامرس نا مسکوہی صدر زاہد مقبول پارینے کہ وزیر خزانہ بجٹ ئِ مثبت وڑاٹ پیش کرینے۔ ریڈیو پاکستان تون ہیت وگپ کرسا اوپارے کہ وزیر خزانہ نا کنڈآن پیش کروک آ بجٹ نارداٹ مستین اٹی برآمد آتیٹی ودکی مننگ کتنے۔ اوپارے کہ برآمد آتیٹی کمتی نا بھلا سوب صنعت آتے بجلی نا فراوانی نا کمتی ئس ہرانا سوب پیداوار اٹی کمتی واقع مس و ارٹ میکو بھلا سوب ایلو ملک آتیٹی نرخ آتا زیاتی نا سوب برآمد آتیٹی خاطرخواہ ودکی مننگ کتو ولے داسہ دادے ودفنگ کن پالیسی اس مرتب کننگ انگ ئِ۔ اوپارے کہ فی کس کٹیا ٹی ودکی کن دہشت گردی تون اوار ایلو الم آتا مون ئِ توننگ المی ئِ۔ زاہد مقبول پارے کہ 2018ءاسکان لوڈشیڈنگ نا مون ئِ توننگ آن پد ننا صنعت آک گچین کارکڑد نشان ایترہ و ترسیلات زر اٹی ہم ودکی ہُننگ اٹی بریک۔
