اقوام متحدہ۔ 27 مئی (اے پی پی) اقوام متحدہ خبردار کرینے کہ غزہ پٹی ٹی توانائی نا تنکی آن دیر انا فراوانی و جان جوڑی نا بشخ بھاز زہمی مننگ ئِ، ہراڑآن علاقہ ٹی نقص امن نا خدشہ ئِ۔ جرمن ذرائع ابلاغ نا رداٹ اقوام متحدہ نا ایلچی نکولے مالادینوو سلامتی کونسل ئِ پارے کہ اسرائیل ، حماس و فلسطینی انتظامیہ، غٹ آ غزہ نا باتی تا شرحالی نا زمواری عائد مریک۔ غزہ ئِ بجلی فراوان کروک آ اسہ پاور پلانٹ اس گدرینگوک آ تُو انا 16تاریخ آ فلسطینی انتظامیہ و حماس نا نیام اٹ فیول ٹیکسیشن آ اختلاف رائے آن پد بند کننگاسس۔ غزہ ٹی سی درسد بجلی نا فراوانی ہندا پاور پلانٹ آن کننگک۔
