سیکرٹری خزانہ ڈویژن کابینہ ئِ بروک آ مالی سال انا بجٹ و ٹیکسیشن سلاہ نا بارواٹی بریفنگ تس، دیوان اٹی شنگھائی کمکار تنظیم نا پورو رکنیت نا دوئی کن ایس سی و دستاویز و پرائیویٹ پاور انفراسٹرکچر بورڈ اٹی ترمیم نا ایکٹ 2010ئ(2012ءنا ایکٹ نمبر VI) نا ہم منظوری ئِ تننگا
اسلام آباد۔ 26 مئی (اے پی پی) وزیراعظم محمد نواز شریف نا کماشی ٹی بنجائی کابینہ نا خصوصی دیوان جمعہ نا دے اڈ ہلک ہراٹی بروک آ مالی سال 2017-18ءنا بجٹ و ٹیکسیشن سلاہ نا منظوری ئِ تننگا۔ سیکرٹری خزانہ ڈویژن کابینہ ئِ بروک آ مالی سال نا بجٹ و ٹیکسیشن سلاہ نا بارواٹی بریفنگ تس۔ دیوان اٹی شنگھائی کمکار تنظیم نا پورو رکنیت نا دوئی کن شنگھائی کمکار تنظیم (ایس سی او) دستاویزآتا ہم منظوری ئِ تننگا۔ پرائیویٹ پاور انفراسٹرکچر بورڈ اٹی ترمیم نا ایکٹ 2010ئ(2012ءنا ایکٹ نمبر VI) نا ہم منظوری ئِ تننگا۔ دیوان اٹی 30 مارچ 2017ء28اپریل 2017ئ، 16مئی 2017ءآ کابینہ نا اقتصادی رابطہ کمیٹی نا دیوان تیٹی کرے کابینہ دیوان اٹی کانود سازی، مقدمہ غاتے چٹفنگ کن کابینہ کمیٹی نا 3، 12 و 24مئی 2017ءآ اڈ ہلوک آ دیوان تیٹی سفارشات آتے ہم پک کروک آ فیصلہ و توانائی نابارواٹی کابینہ کمیٹی نا 10اپریل، 14اپریل، 18اپریل، 24اپریل، و28اپریل 2017ءآ کروک آ فیصلہ غاتے ہم پک کننگا۔
