کوئٹہ۔ 26مئی (اے پی پی) وزیراعلیٰ بلوچستان نواب ثناءاللہ خان زہری قبائلی راہشون میر نذیر احمد زہری نا کزیت آ ڈکھ و غم نا درشانی ئِ کرینے۔ تینا اسہ ہڑزخواہی بیان اسے ٹی وزیراعلیٰ قبائل و قوم تا نیام اٹ ہم آہنگی کن خذمت آتیا ایماندار ئِ خراج عقیدت پیش کرے۔ اوایماندار نا خاہوت تون ہمدردی و ہڑزخواہی نا درشانی ئِ کرسا دعا کرے کہ اللہ تعالیٰ ایماندار ئِ جنت الفردوس اٹی جاگہ ایتے و خاہوت ئِ صبر کننگ نا توفیق عطاءفرمائفے، داکان بیدس صوبائی وزیر سردار محمد اسلم بزنجو، نواب محمد خان شاہوانی، محمد خان لہڑی ، صوبائی اسمبلی نا باسک میر عاصم کرد گیلو، پرنس علی بلوچ، حاجی غلام دستگیر بادینی ئسک ہم میر نذیر احمد زہری نا کزیت آ ڈکھ و است ہسونی نا درشانی ئِ کرسا پارے کہ ایماندار نا بخشش و پدسلوک آتے کن صبر جمیل نادعا کرینو۔
