بنجانا بشخ 10 کھرب 1 ارب روپئی و صوبہ غاتا بشخ 11کھرب 12ارب روپئی، 162ارب روپئی نا درملکی امداد ہم اوار
تاریخ اٹی اولیکو وار بنجائی حکومت تون اوار اوار صوبہ غاتا شونداری بجٹ ہم 10 کھرب روپئی آن زیات جتا کننگا
پی ایس ڈی پی ٹی 90 درسد فنڈ جاری ڈٹ آتے کن جتا، وزیراعظم محمد نواز شریف نا دوراندیش سروکی نا رداٹ ساڑی حکومت نا شونداری آ مبنی و الس دوست پالیسی تا عکاسی ئِ کننگا، سی پیک نا رداٹ ڈٹ آتے ہم اولیت تننگانے تانکہ دا ڈٹ آک بروخت پورو مریر و اوفتا فائدہ لس خلقت اسکان سرمرے و پاکستان واپار و شونداری نا علاقائی بنجاءجوڑ مرے
اسلام آباد۔ 26مئی (اے پی پی) بروک آ مالی سال 2017-18ءنا قومی شونداری پروگرام نا کچ 21کھرب 13ارب روپئی مریک ہراٹی بنجانا بشخ 10 کھرب 1ارب روپئی و صوبہ غاتا بشخ 11کھرب 12ارب روپئی مریک۔ شونداری پروگرام اٹی 162ارب روپئی نا درملکی امداد ہم اوار ئِ۔ ملکی تاریخ اٹی اولیکو وار بنجائی حکومت تون اوار اوار صوبہ غاتا شونداری بجٹ ہم 10کھرب روپئی آن زیات جتا کننگانے۔ سرکاری بشخ انا شونداری پروگرام پی ایس ڈی پی ٹی 90 درسد فنڈ جاری ڈٹ آتے کن جتا کننگانے۔ سرکاری بشخ انا شونداری پروگرام نا تشکیل اٹی وزیراعظم محمد نواز شریف نا دوراندیش سروکی نا رداٹ ساڑی حکومت نا شونداری آ مبنی و الس دوست پالیسی تا عکاسی ئِ کننگانے۔ بروک آ مالی سال 2017-18ءان قومی شونداری پروگرام وژن 2025ءٹی متعین کروک آ مریس وختی مسخت و پائیدار شونداری ہدف آتا روشنی ٹی تیار کننگانے۔ پروگرام نا تشکیل اٹی جم اٹنگا صلابتی و شراکت آ مبنی وڑوڈول اختیار کننگانے۔ قومی اقتصادی کونسل 19 مئی 2017ءآ قومی شونداری پروگرام 2017-18ءنا منظوری ئِ تسوسس۔ قومی شونداری پروگرام اٹی سی پیک نا رداٹ ڈٹ آتے ہم اولیت تننگانے تانکہ دا ڈٹ آک بروخت پورو مریر و اوفتا فائدہ لس خلقت اسکان سرمرے و پاکستان واپار و شونداری نا علاقائی بنجا جوڑ مرے۔ پی ایس ڈی پی ٹی ڈٹ آتا پوروی آ خصوصی زور تننگانے و دامسخت کن 90 درسد فنڈ جاری ڈٹ آتے کن جتا کننگانے ۔ داڑتون اوار اوار مالی سال آن نتیجہ غاتیا مبنی بجٹ حکمت عملی اختیار کننگک۔ شاہراہ تا شونداری نا ڈٹ آتے کن بھلو زرکاری اسے آن بیدس توانائی نا بشخ ئِ ہم اولیت تننگانے۔ انفراسٹرکچر نا بشخ اکن شونداری بجٹ نا 67درسد جتا کننگانے۔ ٹرانسپورٹ و مواصلات نا بشخ اکن 411 ارب روپئی جتا کننگانے وخت اس کہ توانائی نا بشخ اکن 404 ارب روپئی نا زرکاری نا ڈٹ بندی کننگانے۔ سرکاری بشخ انا شونداری پروگرام اٹی تعلیم و جان جوڑی نا بشخ آتیا ہم چکار تخنگانے۔ داکان بیدس نیشنل بزنس ڈویلپمنٹ پروگرام ایس ایم ایز، نیشنل سینٹران روبوٹکس اینڈ آٹو میشن نا اڈتننگ، سائبر سیکورٹی، بگ ڈیٹا و کلاﺅڈ کمپیوٹنگ، ہیومن نیوٹریشن ،پاکستان فنانشل انکلوژن و انفراسٹرکچر ڈویلپمنٹ، نیشنل سائنس اینڈ ٹیکنالوجی پارک و چاگڑد دوست ڈٹ بناءکننگ کون آ پوسکن آ گام گیج آتے ہم شونداری پروگرام اٹی اوار کننگانے۔ سالانہ شونداری پروگرام اٹی آزاد جموں و کشمیر گلگت بلتستان و فاٹا ٹی شونداری نا پوسکن آ دور بناءکننگ کن دا علاقہ غاتیا خصوصی چکار تخنگانے۔ بروک آ مالی سال انا سرکاری بشخ انا شونداری پروگرام نا رداٹ بجلی نا ڈٹ آتا چرجوئی ٹی واپڈا (پاور) کن 60 ارب 90 کروڑ 90لکھ روپئی جتا کننگانے۔ وخت اس کہ نیشنل ہائی وے اتھارٹی کن 3کھرب 19 ارب 72کروڑ روپئی، مواصلات ڈویژن (بیدس این ایچ اے) کن 13ارب 66کروڑ، وزیراعظم نا جہانی پائیدار شونداری ہدف اچیومنٹ پروگرام کن 30 ارب روپئی ، اسپیشل فیڈرل ڈویلپمنٹ پروگرام کن 40 ارب روپئی، ایراءکن 7 ارب 50 کروڑ روپئی جتا کننگانے۔ آئی ڈی پیز آتا بحالی و ریلیف و سیکورٹی کن 45، 45ارب روپئی و وزیراعظم نا یوتھ پروگرام کن 20 ارب روپئی جتا کننگانے۔ ہنداوڑ گیس انفراسٹرکچر ڈویلپمنٹ فنڈ اکن 25ارب روپئی جتا کننگانے۔ داکان بیدس تہوبازی ڈویژن کن 4ارب 34کروڑ 87لکھ روپئی، کابینہ ڈویژن کن 15کروڑ97لکھ روپئی، کیپیٹل ایڈمنسٹریشن و ڈویلپمنٹ ڈویژن کن 5ارب 18 کروڑ 82لکھ روپئی، موسمیاتی بدلی ڈویژن کن 81کروڑ 50لکھ روپئی، واپار ڈویژن کن 1ارب 20 کروڑ روپئی، دفاع ڈویژن کن 53کروڑ 50لکھ روپئی، دفاعی پیداوار ڈویژن کن 4 ارب 46کروڑ 80 لکھ روپئی، بنجائی تعلیم و کسبی تربیت ڈویژن کن 2ارب 96کروڑ 19لکھ روپئی، اسٹیبلشمنٹ ڈویژن کن 27کروڑروپئی، فنانس ڈویژن کن 18ارب 93کروڑ 63لکھ روپئی، پورٹس اینڈ شپنگ ڈویژن کن 12ارب 77 کروڑ 56لکھ روپئی ، امور خارجہ ڈویژن کن 20 کروڑ روپئی، ہائر ایجوکیشن کمیشن کن 35ارب 66کروڑ28لکھ روپئی، ہاﺅسنگ و تعمیرات ڈویژن کن 10 ارب 38کروڑ 62لکھ روپئی، صنعت و پیداوار ڈویژن کن 2ارب 73کروڑ 72لکھ روپئی، اطلاعات و نشریات ڈویژن کن 81کروڑ17لکھ روپئی، انفارمیشن ٹیکنالوجی و ٹیلی کام ڈویژن کن اسہ ارب 53کروڑ 80 لکھ روپئی، بین الصوبائی رابطہ ڈویژن کن 3ارب 4کروڑ 41لکھ روپئی، داخلہ ڈویژن کن 15ارب 66کروڑ 69لکھ روپئی، امور کشمیر و گلگت بلتستان کن 43ارب 64کروڑ 43لکھ روپئی، کانود و انصاف ڈویژن کن اسہ ارب 20کروڑ روپئی، انسداد منشیات ڈویژن کن 22کروڑ روپئی، نیشنل فوڈ سیکورٹی و ریسرچ ڈویژن کن اسہ ارب 61کروڑ 42روپئی، نیشنل ہیلتھ سروسز، ریگولیشنز و کوآرڈینیشن ڈویژن کن 48ارب 70 کروڑ 14لکھ روپئی، قومی تاریخ و ادبی میرات ڈویژن کن 27کروڑ 27لکھ روپئی، نیشنل سیکورٹی ڈویژن کن 10 کروڑ روپئی ، پاکستان اٹامک انرجی کمیشن کن 15ارب 8 کروڑ 50لکھ روپئی، پاکستان نیو کلیئر ریگولیٹری اتھارٹی کن 32کروڑ 15لکھ روپئی، پٹرولیم و قدرتی وسیلہ ڈویژن کن 55کروعڑ 42لکھ روپئی، ڈٹ بندی و شونداری و اصلاحات ڈویژن کن 16ارب 79کروڑ 85لکھ روپئی، ریلوے ڈویژن کن 42ارب 90 کروڑ روپئی، ریونیو ڈویژن کن 79 کروڑ روپئی، سائنس و ٹیکنالوجی ریسرچ ڈویژن کن 2ارب 42کروڑ 79لکھ روپئی ، ریاستیں و سیمی علاقہ جات ڈویژن کن 26ارب 90 کروڑ روپئی، شماریات ڈویژن کن 20 کروڑ روپئی، سپارکو کن 3 ارب 50 کروڑ روپئی ٹیکسٹائل انڈسٹری ڈویژن کن 21 کروڑ 75لکھ روپئی جتا کننگانے۔ ہنداوڑ 40 جتا وزارت و ڈویژن آتے کن جم وڑاٹ 3کھرب 77 ارب 87کروڑ روپئی جتا کننگانے۔ مالی سال 2017-18ءنا سرکاری بشخ انا شونداری پروگرام اٹی صوبہ غاتے کن 11کھرب 12ارب روپئی نا شونداری فنڈز تجویز کننگانے ہراٹی اسہ کھرب 95ارب روپئی نا درملکی امداد ہم اوار ئِ۔ مالی سال 2016-17ءٹی قومی شونداری پروگرام نا کچ 16کھرب 75ارب روپئی ئِ ہراٹی بنجا نا بشخ 8 کھرب روپئی و صوبہ غاتا بشخ 8 کھرب 75ارب روپئی ئِ۔ شونداری پروگرام اٹی اسہ کھرب 43ارب روپئی نا درملکی امدا د ہم اوار ئِ۔ یات سلے کہ پوسکن آ بنجائی میزانیہ ٹی سرکاری بشخ انا شونداری پروگرام (پی ایس ڈی پی ) نا کچ اٹی 25.1درسد وخت اس کہ صوبہ غاتا سالانہ شونداری پروگرام تیٹی 27.08 درسد ودکی کننگانے۔
