مسلم لیگ (ن) سیٹ ئِ نا بلکینگ ئَ سروکی ئِ سیاست ئَ کنت، ما پاکستان ئِ الس ئِ جواب دیوک آں، مئے زمانگ ئَ سیکورٹی ئِ جاور ھال گہتر بوتگ اَنت
اسلام آباد ۔ 26 مئی (اے پی پی) مزن وزیرمحمد نواز شریف ئَ گوشت کہ مسلم لیگ (ن) سیٹ ئِ نا بلکینگ ئَ سروکی ئِ سیاست ئِ مول ئُُ مراد ئِ سر ئَ کار کنگ ئَ اِنت، مرچیگیں پاکستان مھکمیں ئُُ برجمین اِنت۔ مردم چار گ ئَ اَنت کہ کئے کار کنگ ءاِنت ئُُ کئے ئَ چے کتگ۔ ما پاکستان ئِ اُلس ئِ جواب دیوک آں۔ آئی ئَ اے گپ آدینگ ئِ روچ ئَ پاکستان مسلم لیگ (ن) ئِ پارلیمانی پارٹی ئِ دیوان ئِ پاگواجئی ئَ کنان ئَ گوشت اَنت۔ مزن وزیر ئَ گوشت کہ مئے حکومت ئَ را 2013ئَ ٹوھیں جیڈھ گوں دیم پہ دیمی بوتگ بلے ما ترند ئَ محنت کتگ ئُُ نوں مردم چارگ ئَ آں کہ دیمروئی منصوبگ ساپیں رنگ ئَ ترندی ئَ گوں دیم پہ سرجمی ئَ جنزگ ئَ آں۔ آئی ئَ گوشت کہ گوست ئَ دیمروئی منصوبگ اوشت ئِ آماچ بوتگ اَنت، پمشکہ ایشانی ھرچ ئُُ درچ ئِ تہ ئَ گیشی بوتگ۔ مزن وزیر ئَ گوشت کہ ما نا ایوک ئَ ھاٰگ ئِ منصوبگ آنی سر ئَ کار کنگ ئَ آں بلکینگئَ ھرچ کنوک آناں سستائیں توان ئِ پُجاری کنگ ئَ آں۔ مزن وزیر ئَ گوشت کہ پاک چی اقتصادی راہداری ئِ چیر دستی ئَ ترندی ئَ دیم پہ سرجم بوھگ ئَ اَنت۔ آیوکیں لستیں ماھ آنی تہ ئَ 3600میگاواٹ توان ئِ گیشی بیت۔ ما پاکستان ئِ مھکمیں دیمروئی ئِ ھاترا ھاٹیگ ئُُ ھُدا وندی مڈی ئِ رکھینگ ئِ نیات ئَ پجار ی ئِ دل یکم آں۔ آئیئَ گوشت کہ پاکستان ئِ راجدپتر ئَ یک ہزار ارب کلدار ئِ بجٹ بے درر انت۔ ما گورنسس ئِ جوڑیشت ئِ سر ئَ کار ھم کنگ ئَ آں، ایش چاگرد ئِ بازیں تک ئِ مردم آنی ھلاپ ئِ گوما یک دراج بُریں پندئِ ئَ اِنت۔ بلے ما جوانیںکار آنی ھاترا دل یکیم آں۔ مزن وزیر ئَ گوشت کہ ما اے منصوبگ آنی سر ئَ سرجمی ئَ کار کنگ ئَ دل یکیم آں۔ ایشاناں ڈلگچار کنگ بوت۔ چیا کہ ما پاکستان ئُُ ایشی ئِ اُلس ئِ دیمروئی ئَ کنگ لوٹاں، آئی ئَ گوشت کہ سرجمیں ملک دگ ئُُ موٹرویز ئِ نیٹ ورک ئِ گوما وت مہ وت لچوک کنگ بوھگ ئَ اِنت۔ ایشی ئَ چہ کاروبار، سنعت، برآمدادت آنی ھوالگ ئَ بے کساس نپ رسیت۔ مزن وزیر ئَ گوشتکہ مئے دور ئَ سکورٹی ئِ جاور ھال گیش گہتر بوتگ اَنت۔ا ایندگہ صوبگ ئِ وڑ ئَ آزات کشمیر، گلگت بلتستان ئُُ فاٹا ئِ دیمروئی ئِ سر ئَ دلگوشی کتگ۔ مزن وزیر ئَ گوشت کہ پاکستان ئَ اُلس ئَ را ما جوا دیوک آں ئُُ آ پیسلہ کن اَنت کہ کئے ئَ جوانتری ئَ وتی کرد پیلو کتگ اَنت ئُُ کئے ئَ نہ کتگ اَنت۔
