اسلام آباد۔25مئی (اے پی پی) گوستگیں 10سالانی مقابلہ ئَ گوازوکیں مالی سال ئَ مُچ پیداوار(جی ڈی پی) ئِ شرح نمو ئِ تہا 5درسد ئَ چہ گیش گیشی بوتگ۔ پنچ شمبے ئِ روچئَ اقتصادی سروے برائے مالی سال 2016-17پیش کتگءُ ھزانگئِ بنجاھی وزیر سینیٹر محمد اسحاق ڈار ئَ گشتگ کہ مالی سال 2013-14ئِ تہا جی ڈی پی ئِ شرح نمو3درسد بوتگ کہ گوستگیں سئے سالانی تہا 4درسد ئِ نزیکئَ بوتگ۔ گوستگیں مالی سال ئِ تہا جی ڈی پی ئِ تہا 4.51درسد ئِ شرح ئَ چہ ریکارڈ کنگ بوتگ وھدے کہ گوازوکیں مالی سال ئِ تہا جی ڈی پی ئِ شرح دیمروئی 5.3ریکارڈ کنگ بوتگ۔ آئی ئَ گشتگ کہ ملکئِ تہا جی ڈی پی ئِ تہا گیشی ئِ راستیں کچءُ کساساناں نزآرگئِ 2مزنیں جیڑھ است ۔ پاکستان ئِ تہا معیشت ئِ کچءُ کساس نزآرگ ئِ رھبند 20سال کوّن اِنت کہ ایشی ئَ را اپ ڈیٹ کنگ ئِ ضلورت اِنت۔ آئی ئَ گشتگ کہ گوستگیں 10سالانی تہا کسانیںءُ درنیامی درجگ ئِ بیپاری ادارگءُ راجی معیشت ئِ تہا گیشی بوتگ کہ ایشی ئِ تہا ھوار نہ اِنت۔ آئی ئَ گشتگ کہ میاں اوستمانی بنک ئَ را اے ھوالگئَ چہ سٹڈی ئِ گشگ بوتگ کہ ایشیئِ تہا 8ئَ چہ 12ماھ لگ اَنت۔ ھزانگئِ وزیر ئَ امریکہ ئِ تہا میاں اوستمانی بینک ئِ حکام ئَ گوں گندءُ نند کنگئِ ھوالگئَ گپ کتگءُ گشتگ کہ میاں اوستمانی بینک ئَ گوں گشگ بوتگ کہ آ پاکستان ئِ معیشت ئِ راستیں کچءُ کساس نزآرگ ئَ کمک بہ کنت۔ آئی ئَ گشتگ کہ پاکستان ئِ جی ڈی پی 20درسد ئَ تاں کم ریکارڈ بوھگئَ اِنت۔ ھمے وڑئِ کیس چین ئَ ھم بوتگ وھدے کہ آھودہ سٹڈی کنگ بوتگ گڈا چین ئِ معیشت ئِ تہا 24درسد گیشی ریکارڈ کنگ بوتگ۔ ھزانگئِ وزیر ئَ گشتگ کہ گوازوکیں مالی سال ئِ تہا مُچ راجی پیداوار ئِ تہا 5.28درسد ئِ گیشی ریکارڈ کنگ بوتگ کہ ایشی ئِ تہا صنعتی پڑئِ بھر20.88درسد، کشتءُ کشاری 19.53ءُ ازمت ئِ پڑ ئِ بھر59.59درسد ریکارڈ کنگ بوتگ۔ آئی ئَ گشتگ کہ گوازوکیں مالی سالئِ تہا صنعتی پڑئِ شرح نمو ئِ تہا 5.02درسد ئِ گیشی بوتگ وھدے کہ کشتءُ کشاری ئِ کرد3.4درسد گیش بوتگ ءُ ازمت ئِ پڑ ئِ شرح دیمروئیئِ تہا 5.98درسد ئِ گیشی ریکارڈ کنگ بوتگ۔ ھزانگئِ وزیر ئَ گشتگ کہ مالی سال2013ئِ تہا جی ڈی پی ئِ شرح نمو 0.75درسد ریکارڈ کنگ بوتگ کہ ایشی ءِ تہا کشتءُ کشاری ئِ پڑدیمروئی ئِ شرح 2.68درسد ءُ ازمت ئِ پڑئِ شرح نمو5.13درسد بوتگ۔ آئی ئَ گشتگ کہ گوستگیں سئے سالانی تہا جی ڈی پی ئِ شرح نمو ئِ تہا یکوئی ئَ گیشی بوتگ ءُ ملکئِ معیشت 300ارب ڈالر ئَ چہ گیش بوتگ۔ ھزانگئِ وزیر ئَ گشتگ کہ آیوکیں مالی سال ئِ ھاترئَ جی ڈی پی ئِ شرح نموئِ ہدف 6درسد ٹہینگ بوتگ۔ صنعتی پڑ ئِ دیمروئی ئِ ھوالگئَ معلوم داری داتگءُ ھزانگئِ وزیر ئَ گشتگ کہ جاری مالی سال ئِ تہا مزیں صنعتی ادارگ آنی پڑآں 5.06درسد ئِ شرح ئَ چہ دیمروئی کتگءُ ایشی ئِ تہا گیش گیشی بوھگئَ اِنت۔ آئی ئَ گشتگ کہ مارچ2016ئِ تہا گوستگیں سالئِ مقابلہ ئَ ایل ایس ایل ئِ پڑئَ 10درسد ئِ گیشی بوتگ وھدے کہ جولائی تاں مارچ2016-17ئِ تہا ایل ایس ایم ئِ پڑئِ شرح نموئِ تہا مُچ 5.06درسد ریکارڈ کنگ بوتگ۔ آئی ئَ گشتگ کہ مالی سال2012-13ئِ تہا لین ئِ پیداوار ءُ گیس ئِ بھرءُ بانگ ئِ شرح منفی26.38درسد بوتگ کہ مالی سال 2013-14ئَ تہا 0.74درسدئَ سر بوتگ پدا مالی سال 2014-15ئِ تہا ایشی ئِ تہا 13.48درسد گیشی بوتگ وھدے کہ مالی سال2015-16ئِ تہا لین ئِ پیداوار ءُ گیسئِ بھرءُ بانگ ئِ شرح 8.3درسد گیش بوتگءُ گوازوکیں مالی سال ئِ تہا ایشی ءِ تہا گیش3.4درسدئِ گیشی ریکارڈ کنگ بوتگ۔ تعمیراتی صنعت ئِ ھوالگئَ چہ ھزانگئِ وزیرئَ گشتگ کہ مالی سال2013ئِ تہا تعمیراتی پڑئِ کردئِ تہا 1.08درسد گیشی بوتگ کہ گوازوکیں سال9.05درسدئَ سربوتگ ۔ آئی ئَ گشتگ کہ گوستگیں سئے سالانی تہا پڑئِ نمو شرح ئِ تہا 1.08درسد ، 5.9درسد، 7.26درسدءُ مالی سال2015-16ئِ تہا 14.7درسدئِ گیشی بوتگ وھدے کہ گوازوکیں مالی سال ئِ تہا پڑئِ کردئِ تہا 9.05درسد ئِ گیشی بوتگ۔ آئی ئَ گشتگ کہ گوستگیں بجٹ ئِ تہا دھکانانی ھاترئَ 341ارب کلدارئِ دھکان پیکج ئِ جار جنگ بوتگ کہ ایشیئِ جوانیں نتیجگ دیمئَ پیداک اَنت ءُ کشتءُ کشاری ئِ پڑ ئِ کردئِ تہا جوانیں گیشی بوتگ۔ آئی ئَ گشتگ کہ کشتءُ کشاری پڑ ئِ تہا مُچ راجی معیشت ئِ 20درسدئِ مساوی اِنت کہ 65درسد کوچگّئِ مردماناں کارءُ کسب پھجارین ایت۔ آئیئَ گشتگ کہ گندم، دھان، شکرکانڈیلءُ مکئی مزیں کشار اَنت کہ ایشانی پیداوار ئِ تہا یکوئی ئَ گیشی بوھگئَ اِنت۔ آئیئَ گشتگ کہ گوستگیں سال ئِ تہا گندمئِ پیداوار25.63ملین ٹن بوتگ کہ گوازوکیں سال25.75ملین ٹنئَ سربوتگ۔ آئیئَ گشتگ کہ حکومت کشتءُ کشاری پڑئِ کردئِ تہا گیش گیشی کنگئِ ھاترئَ ھاسیں گامیگج کنگئَ اِنت تنکہ وردنءُ وراکی پلگاری ئَ را الم کنگ بہ بیت۔ ھزانگئِ وزیر ئَ گشتگ کہ مالی سال 2013-14ئِ تہا دھانئِ پیداوارئِ تہا 6.8درسدئِ گیشی بوتگ وھدے کہ گوازوکیں مالی ئِ تہا ایشی ئِ پیداوار ئِ تہا 6.89درسد گیشی بوتگ۔ ھمے وڑئَ گوستیں سال مکئی ئِ پیداوار5.27ملین ٹن بوتگ کہ گوازوکیں سال6.13ملین ٹنئَ سربوتگ۔ کرپاس ئِ 9.92ملین گنٹ ئِ مقابلہ ئ۔ پیداوار 10.7ملین گنٹئَ سربوتگ۔ آئیئَ گشتگ کہ حکومت کرپاس ئِ پیداوار ئِ تہا گیشی کنگئِ ھاترئَ جوانیں گامگیج کنگءَ اِنت تنکہ راجی ضلورتانی ھاترئَ 14ملین بیلز ئِ پیداوار حاسل کنگ بہ بیتءُ پُھکی ئِ درآمدات ئِ تہا کمیئِ وسیلگئَ چہ گران نیادیں زرمبادلہ ئَ را رکھینگ بہ بیت۔ آئی ئَ گشتگ کہ حکومتئَ کشتءُ کشاری پڑئِ کردئِ تہا گیشی کنگئِ ھاترئَ دھکاناں پھجارینتگیں وامانی حجم ئِ تہا جوانیں گیشی کتگ۔ مالی سال2012-13ئِ تہا کشتءُ کشاری پڑئَ را 336ارب کلدار، مالی سال2013-14ئِ تہا391ارب کلدار، مالی سال 2014-15ئِ وھدئَ 516ارب کلدار، مالی سال2015-16ئَ 600ارب کلدارئِ وام دیئگ بوتگ اَنت وھدے کہ گوازوکیں مالی سال ئِ ھاترئَ کشتءُ کشاری پڑئَ را وامانی بنداتی ہدف700ارب کلدار ا یر کنگ بوتگ۔ آئیئَ گشتگ کہ گوستگیں مالی سال ئَ جولائی تامارچئَ کشتءُ کشاری پڑئَ را231ارب کلدارئِ وام پھجارینگ بوتگ کہ جاری مالی سال ئِ ھمے وھدئَ 473ارب کلدارئَ چہ گیش بوتگ۔ ھزانگئِ وزیر ئَ گشتگ کہ ازمتئِ پڑمئے معیشتئِ تہا 60درسد گیشی ئِ شریدار اِنت کہ گوستگیں مالی سال ئِ گڑیئَ مُچ معیشت ئِ 58درسدئِ کچئَ بوتگ۔ اِزمت ئِ پڑئِ شرح نمو ئِ ھوالگئَ ھزانگئِ وزیر ئَ گشتگ کہ مالی سال2013-14ئَ شرح نمو4.46درسد، 2014-15ئَ4.36درسد، 2015-16ئَ 5.55درسد بوتگ وھدے کہ گوازوکیں مالی سال پڑئِ شرح نمو5.98درسدئَ سربوتگ۔ ھزانگئِ وزیر ئَ اِزمت ئِ ُپڑئَ ھاسیں ہول سیل اینڈرینٹیل ٹریڈ ئِ معلومداری ئِ ھوالگئَ گشتگ کہ مالی سال2013-14ئَ چیردستیں پڑئِ شرح نمو4.70درسد، 2014-15ئَ 2.6درسد، 2015-16ئَ 4.29درسدءُ گوازوکی مالی سال ئِ تہا 6.82درسد ئِ گیشی بوتگ۔ فنانس اینڈانشورنس سیکٹرئِ ھوالگئَ آئیئَ گشتگ کہ اِزمتئِ پڑئَ فنانس اینڈانشورنسئِ پڑئِ کرد بنکی ارزشت داریت۔ آئی ئَ گشتگ کہ مالیاتی پڑئِ اثاثہ جات 10.49کھرب ڈالرئَ چہ 15کھرب ڈالرئَ گیش بوتگ۔ گران نیادی ءُ افراط زر ئِ ھوالگئَ ھزانگئِ وزیرئَ اقتصادی جائزہ پیش کتگءُ گشتگ کہ مالی سال 2013-14ئَ کنزیومرپرائس اینڈیکس ءُ کورپرائس انڈیکس ئِ تہا 8.69درسد ئِ گیشی بوتگ کہ مالی سال 2014-15ئَ 4.81درسدئَ تاں کم بوتگ ۔ ھمے وڈئَ مالی سال2015-16ئَ گران نیادی ئِ شرح 2.79ئَ کم بوتگ۔ آئیئَ گشتگ کہ گوازوکیں مالی سال ئِ تہا جولائی تاں اپریل ئَ گران نیادی ئِ شرح 4.09درسد بوتگ وھدے کہ ایشیئِ ہدف 5درسد ایر کنگ بوتگ ءُ مالی سال ئِ گڑیئَ گران نیادی ئِ شرحئَ را ہدف ئَ چہ کم ایر کنگ بوتگ۔ راجی تجارت ئِ ھوالگئَ ھزانگئِ وزیرئَ گشتگ کہ حکومت برآمدات ئِ تہا گیشی ئِ سرئَ ھاسیں دلگوشی کنگئَ اِنت۔ آئی ئَ گشتگ کہ گوستگیں مالی سال ئِ تہا جولاءتاں اپریل ئَ20.54ارب ڈالر ئِ برآمدات کنگ بوتگ کہ گوازوکیں مالی سال ئِ ھمے وھدئَ 17.19ارب ڈالر بوتگ ءُ مالی سال ئِ گڈی ئَ مُچ راجی عمل درآمد بوھگئَ اِنت ءُ مزنیں برآمدی پڑ ئِ بانداتئَ آسراتی ئِ عمل ئَ را جاری دارگ بیت تنکہ برآمدی ئِ صنعت ئِ کردءَ را گیش کنگ بہ بیت۔ برآمدات ئِ حجم 45.48ارب ڈالر بوھگئِ امکان اِنت۔ آئیئَ گشتگ کہ ملک ئِ تہا صنعتی ءُ تجارتی سُرءُ پرآنی گیش کنگئَ چہ مشینری ءُ پلانٹ ئِ درآمدات ئِ تہا گوازوکیں مالی سالئَ 40درسد ئِ گیشی بوتگ کہ جی ڈی پی ئِ سرئَ جوانیں اثر کنت ءُ ایشیئَ چہ یک کسّے آمدنی ئِ گیشی ئَ کمک رسیت۔ آئی ئَ گشتگ کہ گوازوکیں مالی سالئَ بجلی ودی کنوکیں مشینری ئِ درآمدات ئِ تہا 70درسد، ٹیکسٹائل مشینری ئِ درآمدات ئِ تہا 23درسد، تعمیراتی مشینریئِ درآمدات ئِ 69درسد، کشتءُ کشاری مشینری ئِ درآمدات ئِ تہا 37درسد وھدے کہ دگہ متفرق درآمدات ئِ تہا 50درسد ئِ گیشی ریکارڈ کنگ بوتگ۔ آئی ئَ گشتگ کہ گوازوکیں مالی سال ئَ پلانٹ ءُ مشینری ئِ درآمدات ئِ تہا مُچ 40درسدئِ گیشی بوتگ۔ کرنٹ اکاﺅنٹ خسارہ ئِ ھوالگئَ ھزانگئِ وزیر ئَ گشتگ کہ ٹھیل ئِ نیادانی تہا 50درسد ئِ گیشی، مشینری ءُ پلانٹ ئِ درآمدات ئِ تہا گیشی ءُ راجی برآمدات ئِ تہا کمی ئِ سوبئَ کرنٹ اکاﺅنٹ خسارہ 17.2ارب ڈالرئَ سربوتگ کہ جی ڈی پی ئِ 2.4درسد ئِ ھم کچ اِنت وھدے کہ مالی سال ئِ گڈی ئَ ایشی ئِ ہدف جی ڈی پی ئِ 2.7ئَ ایر کنگ بوتگ۔ ترسیلات زرئِ ھوالگئَ ھزانگئِ وزیر سینیٹر محمد اسحاق ڈار ئَ گشتگ کہ مالی سال ئِ مقابلہ ئَ گوازوکیں مالی سالئِ اولی 10ماھ ئَ2.6ئِ کمی بوتگ۔ آئیئَ گشتگ کہ مالی سال2015-16ئَ 19.9ارب ڈالر ئِ ترسیلات زر دست کپتگ کہ گوازوکیں مالی سال ئَ10ماھئِ تہا 15.6ارب ڈالر بوتگ وھدے کہ مالی سال ئِ گڈی ئَ ڈنی ملکی پاکستانی آنی نیمگئَ چہ 19.5ارب ڈالر ئِ ترسیلات زر ئِ دست کپت ئِ اُمیت اِنت۔ آئیئَ گشتگ کہ گوستگیں مالی سالئِ مقابلہءَ گوازوکیں مالی سال ئَ ترسیلات زرئِ دست گرئِ تہا 2.6درسد ءِ کمی ئِ اُمیت اِنت۔ زرکاری ئِ ھوالگئَ ھزانگئِ وزیر ئَ گشتگ کہ ھزانگئِ وزیر ئَ گشتگ کہ گوستگیں سال1.88ارب ڈالر ئِ زرکاری ئِ مقابلہ ئَ گوازوکیں مالی سال ئِ گڈی ئَ 2.58ارب ڈالر ئِ زرکاری کنگئِ اُمیت اِنت۔ آئیئَ گشتگ کہ وھدے کہ مسلم لیگ(ن) ئِ حکومتئَ گورنمنٹ سنھبال اِتگ گڈا ملکءِ گورئَ زرمبادلہ ئِ ذخائر4ارب ڈالر بوتگ کہ 23مئی 2017ئَ 16.15ارب ڈالرئَ سربوتگ ھمے وڑئَ زرمبادلہ ئِ ذخائرئِ تہا گوستگیں چاریں سالانی تہا 400درسدئِ نزیکئَ گیشی ریکارڈ کنگ بوتگ۔ آئی ئَ گشتگ کہ انوگیں زرمبادلہ ئِ ذخائر یک ارب ڈالر ئِ ادا کنگئَ پد ریکارڈ کنگ بوتگ نہ دگہ ذخائر ئِ حجم 22ارب ڈالر ئَ چہ گیش بوتگ۔ ھزانگئِ وزیر ئَ گشتگ کہ مالی سال2013-14ئَ کرنسی ئِ شرح تبادلہ99.66کلدار یک ڈالرے بوتگ۔ آئی ئَ گشتگ کہ حکومت ئِ جوانیں مالیاتی پالیسی ءُ بندوبستانی نتیجگئَ 22مئی 2017ئَ ڈالرئِ نیاد104.87کلدار بوتگ۔ آئیئَ گشتگ کہ گوستگیں چارسال ئِ تہا ڈالر ئِ نیادئِ تہا1.04درسدئِ شرح ریکارڈ کنگ بوتگ۔ ھزانگئِ وزیر ئَ گشتگ کہ وھدے کہ ڈالرئِ نیاد111کلدارئَ سربوتگ گڈا بازیں مردماں ایشی ئَ را ایر جتگ ءُ گشتگ کہ حکومت ھچ وڑئَ ھم ڈالرئِ نیادئَ کم کُت نہ کنت بلے مسلم لیگ(ن) ئِ حکومت ئِ جوانیں مالیاتی پالیسی آنی نتیجگئَ ڈالر ئِ نیادانی تہا پدریں کمی کنگ بوتگ۔ ھزانگئِ وزیرسینیٹرمحمد اسحاق ڈارئَ گشتگ کہ مالی سال 2013-14ئَ یک کس امدنی1333.7 ڈالربوتگ کہ گوازوکیں مالی سال ئِ تہا 1628.8ڈالرئَ سربیت۔ ھمے وڈئَ یک کس آمدنی ئِ شرح ئِ تہا 22درسد ئِ گیشی بوتگ۔ آئی ئَ گشتگ کہ آیوکیں مالی سال ئِ تہا یک کس آمدنی ئِ شرح ئِ تہا گیش گیشی بیت۔ ھزانگئِ وزیر ئَ گشتگ کہ گوستگیں مالی سال ئِ تہا ملک ئَ کتگیں مچ زرکاری ئِ حجم3348ارب کلدار بوتگ کہ گوازوکیں سال 5026اربئَ گیش بوتگ۔ آئی ئَ گشتگ کہ ملکئِ تہا کتگیں مُچ زرکاری ئِ تہا جی ڈی پی ئِ تناسب ئَ چہ15.78درسد شرح ئِ گیشی بوتگ کہ ایشیئِ تہا گیش گیشی کنگ بیت تنکہ جی ڈی پی ئِ شرح نمو ئِ 7درسد ہدف ئَ ر ا حاسل کنگ بہ بیت۔ چاگردی پلگاری پروگرام ئِ ھوالگئ۔ ھزانگئِ وزیر ئَ گشتگ کہ چاگردی پلگاری پروگرام ئِ بجٹ42ارب کلدارئَ چہ 115کلدارئَ گیش کنگ بوتگ وھدے کہ ھک داریں مردماناں داتگیں کمکی رقم ئَ را 12ہزارئَ چہ گیش کنگءُ 19ہزار کنگ بوتگ۔ ایشی ئَ ابید چاگردی پلگارگئِ بازیں دگہ پروگرام آں چہ پاھدگ چست کنوکیں مردمانی تہا گیشی بوتگ۔ آئیئَ گشتگ کہ مالی سال2013-14ئَ بے روزگاریئِ شرح 6.2درسد بوتگ کہ گوستگیں مالی سالئِ گڈیئَ 5.9درسدئَ چہ کم بوتگ۔ ملکئِ سٹاک مارکیٹ ئِ کردئِ ھوالگئَ چہ ھزانگئِ وزیرئَ گشتگ کہ سٹاک مارکیٹ ئِ ادغام ئَ پد پاکستان سٹاک مارکیٹ ئَ را ایمرجنگ سٹاک مارکیٹ ئِ درجگ حاصل بوتگ ءُ یک کسانے وھدے ئِ تہا پاکستان سٹاک مارکیٹ ئَ ر ا ایشیا ئِ گہتریں سٹاک مارکیٹ ئِ جاگہ ھاصل بوتگ کہ وھدے کہ پی ایس ایکس دگنیائِ پنچمی گہتریں سٹاک مارکیٹ جوڈ بوتگ کہ ایشی ئِ حجم 52ہزارپوائنٹس ئَ چہ گیش بوتگ۔ آئی ئَ گشتگ کہ سٹاک مارکیٹ ئِ تہا کتگیں زرکاری گوستگیں چار سالئِ تہا 51ارب ڈالرئَ سربوتگ ءُ گوازوکیں مالی سال ئِ گڈی ئَ ایشی ئِ تہا گیش گیشی ئِ اُمیت اِنت۔ آئیئَ گشتگ کہ حکومت مالیات ئِ پڑئِ کرد، ٹیکس محصولاتئِ تہا گیشی، حکومتی ھرچانی تہا کمی ئَ ھواردگہ بازیں گامگیج کنگئَ اِنت تنکہ راجی معیشت ئِ دیمروئی ئِ ہداف ئِ حاصل کنگئَ را الم کنگ بہ بیت۔ آئیئَ گشتگ کہ حکومت وتی پنچ سالی حکومتئِ دورئَ ٹیکس ئِ وصول آنی شرحئِ تہا دودرسد گیشی ءِ ہدف ئَ ھاصل کنت۔ آئی ئَ گشتگ کہ شرح سوتئَ را 9درسدئَ چہ 5.75درسد ئَ کم کنگ بوتگ کہ گوستگیں 45سال ئِ تہا درساں چہ کم شرح سوت اِنت ۔ آئیئَ گشتگ کہ راجی معیشت ءِ دیمروئی ئِ ھوالگئَ چہ نجی پڑئَ را وامانی اجراءئِ سرئَ ھم ھاسیں دلگوشی کنگ بوھگئَ اِنت ءُ گوازوکیں مالی سالئِ تہا نجی پڑئَ را 457ارب کلدارئِ وام دیئگ بوتگ۔ اے ھوالگئَ چہ معلوم داری داتگءُ ھزانگئِ وزیرئَ گشتگ کہ مالی سال 2013-14ئَ نجی پڑئَ را 421ارب کلدار، 2014-15ئَ 223ارب کلدار، 2015-17ئَ 446ارب کلدارئِ وام دیئگ بوتگ وھدے کہ گوازوکیں مالی سال ئِ بنداتی 10ماھانی تہا نجی پڑ ئَ را پھجارینتگیںوام 457کلدارئَ چہ گیش بوتگ۔ ھزانگئِ وزیر ئَ گشتگ کہ حکومتی خسارہ ئَ را کم کنگئِ ھاترئَ ھم جوانیں گامگیج کنگ بوھگئَ اَنت تنکہ ایشیئِ شرحئِ تہا کمی کنگ بہ بیت۔ ڈنی وامانی ھوالگئَ چہ آئی ئَ گشتگ کہ ڈنی وامانی تہا ھم گہتری اَتکگ ءُ جون2013ئِ تہا ڈنی وامانی مچ حجم48.1ارب ڈالر بوتگ کہ مارچ2016ئَ 58.4ارب ڈالر ریکارڈ کنگ بوتگ۔ آئی ئَ گشتگ کہ سٹیٹ بینک ئِ گورئَ زرمبادلہ ئِ ذکائر 16ارب ڈالرئَ چہ گیش اَنت۔ ھمے وڑئَ مُچ ڈنی وامانی حجم 41ارب ڈالر ئِ نزیکئَ اِنت۔ آئی ئَ گشتگ کہ ڈنی ملکی وامانی ھوالگئَ چہ 2200ملین ڈالر ئِ گہتری اَتگک۔ ھزانگئِ وزیرئَ گشتگ کہ پاکستان ئَ ناشرکاری ئِ ھلاپئِ جنگئَ بے مٹیں قربانی داتگ۔ آئی ئَ گشتگ کہ مئے سلاھ بندیں فوجءُ کانود نافذ کنوکیں ادارگ آں آپریشن ضرب عضب ئِ تہا جوانیں سوبمندی حاصل کتگ کہ ایشی ئِ نتیجگ ئَ ناشرکایئِ تہا کمی اَتگ۔ آئی ئَ گشتگ کہ حکومتئَ ملکئَ چہ ناشرکاریئِ وروکیئَ را ھلاس کنگئِ ھاترئَ آپریشن ردالفساد بندات کتگ۔ ھزانگئِ وزیر ئَ گشتگ کہ ناشرکاری ئِ ھلاپئِ جنگئِ سوبئَ راجی معیشت ئَ را سالانہ90ئَ چہ100ارب کلدارئِ خسارہ سگئُ اوپار کنگ بوھگئَ اِنت۔ اے ھوالگئَ سرجمیں دنیا سرپداِنت۔ آئیئَ گشتگ کہ حکومتئَ پیسلہ کتگ کہ ناشرکاریئِ ھرچہ ئَ مہ وت کش اَنت ءُ انوگیں حکومت ئَ اے ھوالگئَ ھاسیں مزنیں پیسلہ اِت۔ آئیئَ گشتگ کہ گوستگیں سئے سالانی تہا حکومتئَ 100ارب کلدار سالانہ ئِ ھسابئَ چہ نقصان سگ اِتگ وھدے کہ آیوکیں مالی سالئِ تہا ھم ناشرکاریءِ ھلاسیءُ بے لوگ بوتگیں مردمانی بحالی ءُ کمک ئِ ھاترئَ 100ارب کلدارئِ نزیکئَ مالی کمک پھجارینگ بیت۔
