اسلام آباد۔25مئی (اے پی پی) مزن وزیر محمد نواز شریف ئَ گشتگ کہ پاکستان مسلم لیگ (ن) ئِ حکوت اقلیتی آنی ھکاناں مدام پلگار اِتگ، انوگیں جمہوری حکومت ئَ دراھیں کمیونٹیز ئِ ھاترئَ یک وڑیں موھ آناں الم کنگئِ ھاترئَ جزم کتگ۔ آئی ئَ اے گپ مسلم لیگ (ن) اقلیتی ونگ سندھ ئِ صدر شام سندر ایڈوانی ئِ گوما گپءُ تران کنان ئَ کتگ کہ آھاں پنچ شمبے ئِ روچئَ مزن وزیر کارگس ئَ آئی ئِ گوما گندءُ نند کتگ۔ شام سندر ایڈوانی ئَ مزن وزیر ئَ را صوبہ سندھ ئِ تہا اقلیتی کارانی ھوالگ ءَسرپد کتگ۔ مزن وزیر ئَ گشتگ کہ اے گپ ئِ سرئَ باور کنت ملک ھمے وڑئَ وشھال بیت کنت اگاں دراھیں کمیونٹیز وتی زانتکاری آں کارمرز بہ کن اَنت ۔ مزن وزیرئَ راستیں رنگئَ یک وشھالیں ئُ دیمروئی کتگیں پاکستان ئِ منزل ئَ حاصل کنگئِ یکجائی مول ءُ مرادئِ ھوالگئَ پاکستانئَ نندوکیں دراھیں اقلیت آنی کردئَ را ساڑاتگ۔

متعلقہ مضامینمصنف کی طرف سے مزید