اسلام آباد۔ 25 مئی (اے پی پی) وزیر مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ مزن وزیر محمد نواز شریف ئِ وڑن ئِ رد ئَ 19 سال ئَ پد مردم شماری ئِ کار وشی ئَ گوں سرجم بوت ایشی ئِ رد ئَ سرجمیں راج مبارک بات ئِ واھگ دار اِنت۔ مردم شماری ئِ کار ئِ سرجمی ئَ پد مھکمیں بنیات آنی پد ئَ پراھ ئُُ شائیگانیں معاشرتی منصوبگ بندی ئِ گیش راھ پچ بنت۔ آدینگ ئِ روچ ئَ جاڑی بوتگیں بیان ئِ رد ئَ وزیر ئِ مملکت ئَ گوشت کہ مردم شماری ئَ را کامیاتی ئَ سرجم ئِ سر ئَ وزیر ئِ ھزانگ اسحاق ڈار ئُُُ آئی ئِ ٹیمب ئَ مبارکی ئِ واھگ دار اِنت۔ آئی ئَ مردم شماری ئِ کار ئَ شریک توامیں ماسٹر، سیکورٹی کارندہ ئُُ مردم شماری ئِ کارندہ ئِ مزنیں جہد ئُُ کوشست ئِ سبب ئَ آ لائک ئِ مبارکی اَنت۔مریم اورنگزیب ئَ گوشت کہ اے کار ئِ سرجمی ئِ ھاترا پرز آنی پیلو کنوکیں توامیں ادارگ آناں سلام پیش کناں۔ سرجمیں راج اے کار ئَ آسر کنگ ئِ مول ئُُ مراد ئَ جان آنی کربانی ئَ دیوکیں شہید آنی واستہ دُعا ئِ نیک ئَ کناں۔ وزیر ئِ اھوالکاری ئَ گوشت کہ مردم شماری ئِ کار ئَ سرجم کنگ ئَ پد مھکمیں بنیات آنی رد ئَ معاشرتی منصوبگ بندی ئِ کشک گیش پچ بنت۔
