ساڑی جمہوری حکومت غٹ کمیونٹی تے کن ہم آہنگ وڑاٹ اسہ وڑنا وارخواہی تے المی جوڑ کننگ کن پرعزم ئِ
اسلام آباد۔ 25مئی (اے پی پی) وزیراعظم محمد نواز شریف پارینے کہ پاکستان مسلم لیگ (ن) نا حکومت اقلیت آتا حق انا رکھ ئِ ہمیشہ اولیت تسنے، ساڑی جمہوری حکومت غٹ کمیونٹی تے کن ہم آہنگ وڑاٹ اسہ وڑنا وارخواہی تے المی جوڑ کننگ کن پرعزم ئِ۔ اوداہیت ئِ مسلم لیگ (ن) نا اقلیتی ونگ سندھ انا صدر شام سندر ایڈوانی تون ہیت وگپ کرسا پارے ہراپنچ شنبے نادے وزیراعظم ہاﺅس اٹی اوڑتون اوڑدہی کریر۔ شام سندر ایڈوانی وزیراعظم ئِ صوبہ سندھ اٹی اقلیتی معاملہ غاتا بارواٹی معلومدار کرے۔ وزیراعظم پارے کہ نن دا ہیت آ باور کینہ کہ ملک ہمودروشم اٹ شونہال مننگ کیک اگہ غٹ کمیونٹیک تینا پبی لائخی تا مظاہرہ ئِ کیر۔ وزیراعظم حقی وڑاٹ اسہ شونہال و شون ہلوک پاکستان نا مزل نا دوئی نا اجتماعی مسخت نا بابت پاکستان اٹی رہینگوک آ غٹ اقلیت آتا کڑد و خذمت آتا ستائِ کرے۔

متعلقہ مضامینمصنف کی طرف سے مزید