بنجائی بجٹ آ شرہ اِراہفتہ برجاسلک، دیوان نا وخت ئُ پاس سہب انا 11آن 5 بجہ اسکان مقرر ، بیرہ یک شنبے نا دے چھٹی مریک
اسلام آباد۔ 25مئی (اے پی پی) بروک آ مالی سال 2017-18ءکن بنجائی بجٹ (اینو) جمعہ نا دے قومی اسمبلی ٹی پیش کننگک۔ قومی اسمبلی نا دیوان جمعہ نا دے بیگہ نا چار 4بجہ غا بٹنگ انگانے۔ بنجائی وزیر خزانہ اسحاق ڈار بروک آ مالی سال 2017-18ءنا بجٹ ئِ پیش کیک۔ قومی اسمبلی نا ہاﺅس بزنس ایڈوائزری نا رداٹ حسب روایت بنجائی بجٹ آ شرہ اِراہفتہ برجاسلک، شرہ ٹی پارلیمنٹ نا باسک آتا کنڈآن بروک آ سلاہ وتا روشنی ٹی بنجائی وزیر خزانہ محمد اسحاق ڈار بجٹ آ شرہ ئِ چٹفک اوکان پد چندی وزارت و ڈویژن آتا مطالبات زر انا منظوری نا عمل بناکیک و اپوزیشن نا کنڈآن گڑاس وزارت آتا مطالبات زر انا کٹوتی نا تحریک آتا ہم گمانی ئِ۔ ہاﺅس بزنس ایڈوائزری کمیٹی فیصلہ کرینے کہ قومی اسمبلی نا بجٹ سیشن 14جون اسکان برجاسلک۔ روچہ نا سوب قومی اسمبلی نا دیوان نا وخت ئُ پاس سہب انا 11آن 5بجہ اسکان مقرر کننگانے۔ بجٹ آ لس شرہ 29 مئی آن بناءکیک، بیرہ یک شنبے نا دے چھٹی مریک۔ ہفتہ آ ہم دیوان برجاسلک۔ وزیر خزانہ 9جون آ بجٹ آ شرہ ئِ چٹفک۔ اوکان پد 14جون اسکان بنجائی بجٹ 2017-18 ءمنظور کننگک۔
