اسلام آباد۔ 24 مئی (اے پی پی) صدر مملکت ممنون حسین ئَ ٹوھیں وانگ ئُُ زانگ ئِ در جنگ ئِ ھاترا زالبول آناں ھمکچیں موہ ئِ پُجاری ئِ سر ئَ زور پر داتگ ئُُ گوشتگ کہ زانت کارین زالبول راجی دیمروئی ئِ ھاترا جوانیں کرد ئِ واھگ دار اَنت۔ چارشمبے ئِ روچ ئَ اِدا رفاہ ایٹرنیشنل یونیورسٹی ئَ زالبول آنی کیمپس ئِ بنگیجی مراگش ئَ گشتانک دیان ئَ آئی ئَ گوشت کہ اے گپ ضلوری اِنت کہ زالبول ٹوھیں وانگ ئُُ زانگ در بجن اَنتئُُ زندمان ئِ ھمک پڑ ئَ وتی کرد ئَ پیلو بکن اَنت تانکہ راجی دیمروئی ئِ گام گیش ترند بہ بنت۔ صدر ئِ مملکت ئَ گوشت کہ دیمروئی ئِ ترندیں گام آنی ھاترا زالبول وتی جوانیں کرد ئَ پیلو بکن اَنت۔ صدر ئِ مملکت ئَ گوشت کہ جنسی بستار ئِ ھلاسی ئِ ھاترا یک وڑیں ھک آنی پُجاری ئَ چہ پشت مندگی ئِ ھلاسی بیت کنت، ملک ئِ نیم ئِ آباتی ئَ را دیمروئی ئَ چہ جتا کُت نہ کناں ۔ راجی دیمروئی ئِ مول ئُُ مراد آنی در جنگ ئِ ھاترا مردیں آنی گوما زالبول آ ناں کار کنگی اِنت۔ آئی ئَ گوشت کہ زالبول آنی بھر زوری ئَ چہ نا ایوک ئَ ملک ئِ ھمک مردی طاقت ئِ تہ ئَ گیشی کئیت بلکینگ ئَ ، رھشون، بیوروکیٹس، سائنسدان، انجینئرز ئُُ بازیں شوبگ آنی تہ ئَ کلانئیں مردم آنی دست کپگ ئِ تہ ئَ آسانی بیت۔
