اسلام آباد۔ 24مئی (اے پی پی) وزیرداخلہ چوہدری نثارعلی خان پاکستان ٹیلی کمیونیکیشن اتھارٹی (پی ٹی اے) نا چیئرمین ئِ سوشل میڈیا نا بطور اسہ مثبت، جوڑ جاڑی و جان جوڑ تعامل نا میڈیم نا وڑاٹ کاریم اٹ اتنگ ئِ المی جوڑ کننگ کن فریم ورک انا جوڑ کننگ نا رداٹ معیاری وڑوڈول ہائے کار(ایس او پیز) اس وضع کننگ نا پارت کرینے تانکہ راجی تعامل نا دا اہم ذریعہ ئِ غلط معلومداری ، بدنام کروک آ تران، قابل شرف شخصیت ، قومی ادارہ و خاص ئُ کمیونٹی اسے نا راجی، مذہبی و دودوربیدہ اقدار آ مسخرہ خلنگ نا آلہ آن بیدس خیالات و نظریات آتا تبادلہ نا موثر پلیٹ فارم اس جوڑ کننگ مرے۔ وزیر داخلہ داخیال آتا درشانی ئِ چارشنبے نا دے داڑے وزارت داخلہ نا بڑزکو کہول نا دیوان نا کماشی ئِ کرسا کرے۔ دیوان اٹی سیکرٹری داخلہ چیئرمین پی ٹی اے ، ایڈووکیٹ جنرل، چیئرمین نادرا، آئی جی اسلام آباد پولیس، ایف آئی اے ، اسلام آباد پولیس ، نادرا و وزارت نا سینئر کمامدارآک ساڑی ئسر۔ وزیر داخلہ سوشل میڈیا پلیٹ فارم نا مثبت کاریم اٹ اتنگ ئِ المی جوڑ کننگ کن فریم ورک انا جوڑ کننگ آ اتفاق رائے کن اسپیکر قومی اسمبلی آن غٹ سیاسی جماعت آتا نمائندہ غاتا دیوان اس بٹنگ انگ نا درخواست ہم کرینے۔
