لندن۔ 24 مئی (اے پی پی) برطانیہ ئِ مزن وزیر تھریسامے ئَ ھبردار کتگ کہ مانچسٹر اُرش ئَ پد برطانیہ ئَ کجام ھم وھد ئَ اُرش بوت کنت ئُُ اے گپ ئَ را دیم ئَ ایر کنا ن ئَ بیم ئَ را گیش کتگ۔ برطانوی ھال شنگ کاری ادارگ ئِ رد ئَ مزن وزیر ئِ گوشگ اِنت کہ اے گام اے ھاترا جنگ بوتگ چیا کہ پٹ ئُُ پولی ادارگ انوگ ئَ تاں اے گپ ئَ چہ دل یکیم نہ اَنت ، گڈا چے سلمان عابدی اُرش ئَ ایوک ئَ ھوار بوتگ آئی ئَ را اِچ وڑیں کمک گون نہ بوتگ۔ آئی ئِ گوشگ اَت کہ اے گپ ئِ اُمیت است اِنت کہ مانچسٹر اُرش ئَ یک مردم ئِ نا بلکینگ ئَ یک ٹولیگ ئِ ھوار بوتگ۔ مزن وزیر ئَ گوشت کہ حکومت ئَ آپریشن ٹیمبز آنی بنگیج کتگ ئُُ ایشی ئِ چیر دستی ئَ اُلس ئِ رکھینگ ئِ ھاترا ارزشتی ایں اُلسی جاھاں سلاھ بندیں پولیس ئِ کمک ئِ ھاترا اُرد ئَ را اوشتارینتگ۔
