پاک فضائیہ ئِ سروک ئِ قادری ایئربیس ئِ ترءُ تاب، مشقءُ عملی تیاری آنی چارءُ تپاسی، وت ھم مشق آنی تہا بھر زُرتگءُ میراج گراب بال داتگ
فارورڈ آپریشنل بیس(سکردو) ۔24مئی(اے پی پی) پاک فضائیہ ئِ سروک ایئرچیف مارشل سہیل امان ئَ چارشمبے ئِ روچئَ قادری ایئربیس ئِ ترءُ تاب کتگءُ پاک فضائیہ ئِ مشق ءُ عملی تیاری آنی چار ءُ تپاس کتگ۔ آئیئَ وت ھم مشق آنی تہا بھر زُرتگ ءُ میراج گراب ئَ را 20ئَ چہ 35منٹ ئَ بال داتگ کہ 60سال کونیں جنگی گراب اِت۔ ھال رسانکئِ نمائندگ آں گوں گپءُ تران کنانئَ آئی ئَ گشتگ کہ ایئرچیف ئَ گشتگ کہ اے مشق پی اے ایف ئِ ھمک روچی تربیتئِ بھر اِنت۔ آئی ئَ گشتگ کہ پاک فضائیہ یک جوانیں ءُ اثر مندیں جنگی زانتکاری ئِ واھندےں فورس اِت ءُ اے ھر وھدئَ وتی آپریشنل تیاری ئَ را الم جوڈ کنت۔ ایئرچیف سہیل امان ئَ گشتگ کہ پی اے ایف ئَ گوستگیں اڑھائی سالاں چہ سکیںجوانیں ءُ پیشہ وارانہ رنگئَ آپریشن ضرب عضب ئِ تہا بھرزُرتگءُ دنیائِ تہا وتءَ را یک جوانیں فورسے ثابت کتگ وھدے کہ ضمنی نقصانئِ یک وئیلے ھم نہ بوتگ ھالانکہ دنیا ئِ تہا ٹاپ ورلڈ فورس آنی نیمگئَ چہ اے وڑیں آپریشن آنی تہا ضمنی نقصانات رپورٹ بنت۔ پاک فضائیہ ئِ سروک ئَ گشتگ کہ پاک فضائیہ ناشرکاری ئِ ھلاپئِ جنگ ئِ تہا دراھیں آپریشن آنی انجام دہی ئِ ھاترئَ وتی براتیں سلاھ بندیں فوج آنی گوما ھم کوپگ اِنت۔ بھارتی ایئرچیف ئِ انوگیں بیانئِ ھوالگئَ جُستئِ پسوداتگءُ سہیل امانئَ گشتگ کہ پاکستان یک امنءُ ایمنی دوستےں ملک اِت بلے اگاں دژمن ئَ پندل سازت گڈا آئیئِ دپئَ پروش اَنت کہ کرناں چہ یات کنگ بیت۔
