اسلام آباد۔24مئی(اے پی پی) بلوچستان حکومتئَ ورناھ آناں چین پاکستان اقتصادی راہداری ئِ منصوبہ آنی تہا کار کنگئِ ھاترئَ اھیلکاری دیئگ ئِ ھاترئَ پروگرام بندات کتگ۔ صوبائی ھکومت ئِ محنتءُ مردمی قوتئِ پڑ ئِ عہدگ داراں ریڈیو پاکستان ئَ گوں گپ ءُ تران کنانئَ ھال داتگ کہ حکومت ورناھ آناں سی پیک منصوبہ ئِ ھاترئَ تیار کنگئِ ھاترئَ گامیگج کنگئَ اِنت تنکہ صوبہ ئِ تہا بے روزگاری ئَ را کم ئَ چہ کم کنگ بہ بیت۔ آئی ئَ گشتگ کہ اے ھوالگئَ 120ملین کلدارئِ ھرچئَ چہ بازیں ضلع آنی تہا ٹیکنیکل ٹریننگ بنجاھ ئِ بندات کنگ بوھگئَ اِنت ءُ اے ھوالگئَ اولی بنجاھ مستونگئَ جوڈ کنگ بوھگئَ اِنت ۔ صوبائی حکومتئِ محنت ءُ مردمی قوتئِ عہدگ داراں گیش گشتگ کہ حکومتئَ چائلڈ لیبر ئِ ھلاس کنگئِ ھاترئَ 40ملین کلدارئِ فنڈ داتگ۔