اسلام آباد۔ 24مئی(اے پی پی) بلوچستان حکومت ئَ گشتگ کہ رمضان المبارک ئِ تہا صارفین آناں گیشاں چہ گیش کمک پھجارینگ بیت۔ ریڈیو پاکستان چہ بلوچستان حکومت ئِ نیمگئَ چہ جاری کتگیں بیانئِ تہا ھال داتگ کہ حکومت رمضان المبارک ئَ صارفین آناں گیشاں چہ گیش کمک پھجارینگ ئِ ھاترئَ گامگیج کنگئَ اِنت۔ رمضان المبارک ئَ سرجمیں صوبہ ئَ کم نیادئِ پچ کنگ بنت کہ ایشانی تہا مردماناں وردنءُ وراک ئِ سامان ، آرت، شکر، ورگی ٹھیل، ڈال ءُ پکوڑہ ئِ آرت کم نیادئَ دست کپ اَنت۔ سروزیر ثناءاللہ زہری اُلسئِ نیمگئَ چہ رمضان ئَ صارفین ئَ را کمک پھجارینگئِ ھاترئَ یک ھاسیں رمضان پیکج تیار کنگ ئِ ھاترئَ ھمگرنچیں ادارگ آناں ھم ہدایت جاری کنگ بوتگ۔ ایشی ئَ ابید حکومت ئِ نیمگئَ چہ پنچیں وھدئِ نمازءُ تراویحئِ ادا کنگئِ وھدئَ سیکیورٹی گیش کنگ ئِ ھم ہدایت کتگ۔
