اسلا م آباد۔ 24مئی (اے پی پی) مسلم لیگ(ن) ئِ رہنما دانیال عزیز ئَ گشتگ کہ مسلم لیگ(ن)احتساب ئِ سرئَ باورکنوکیں گل اِت۔ شاہ آمید گسئَ رﺅگئَ چہ پیسر اسلام آبادئَ ھال درئِ گوما گپءُ تران کنانئَ آئی ئَ گشتگ کہ پی ٹی آئی اے گپئِ سرئَ زور پِر دنت کہ ایشیئِ گورئَ بنی گالہ ئِ لوگ ئِ منی ٹریل اَست بلے آمید گسئَ جم کتگیں منی ٹریل29نومبر2016ئَ آمید گسئَ پیش کتگیں منی ٹریل چٹ جتاھءُ دگر اِت۔ آئی ئَ گشتگ کہ پی ٹی آئی ئَ چہ جمائمہ ئِ نیمگئَ چہ راشد خان ءَ را داتگیں پیسہ ئِ منی ٹریل جست کنگ بوتگ۔ دانیال عزیز ئَ گشتگ کہ عمران خان ئَ را دھرنہ آنی وھدئَ ملکی ادارگ آنی سرئَ اُرش کنگئِ بھتانئَ پولیس لوٹگ ئَ اِنت۔ آئی ئَ گشتگ کہ عمران خان ئِ گیش دروگ دیمئَ پیداک اَنت۔ دانیال عزیز ئَ گشتگ کہ مسلم لیگ(ن) احتسابئِ سرئَ باور کنوکیں گل اِت، عمران خان ئَ مزن وزیر محمدنواز شریف ءُ مریم نوازئَ را پانامہ تاک ئَ ھوار کنگئِ ناکامیں کوشستے کتگ۔
