اسلام آباد۔24مئی(اے پی پی) ھزانگئِ وزیر سینیٹر محمد اسحاق ڈار گوازوکیں مالی سال 2016-17ئِ اقتصادی جائزہ رپورٹئَ25مئی ئَ پنچ شمبے ئِ روچئَ جاری کتگ۔ جاری مالی سال ئِ ھوالگئَ اقتصادی جائزہ رپورٹ ئِ تہا راجی معیشت ئِ کردئِ تپاسی ئَ ھوار باندات ئِ ھوالگئَ کتگیں معاشی منصوبہ بندی آنی سرئَ ھم چم شانک دیئگ بیت۔ اقتصادی سروے ئِ تہا معیشت ئِ دراھیں مزنیں ھاسیں پڑآنی تہا بوھوکیں ھندی ءُ درملکی زرکاری ءُ دیمروئی ئِ شرح ئِ ھوالگئَ کچءُ کساس پیش کنگ بنت۔ راجی معیشت ئِ ھاسیں پڑآنی تہا کشتءُ کشاری ، مینوفیکچرنگ، کان کنی، مالیات، زرکاری ئِ مارکیٹ ، افراط زرءُ تہیءُ ڈنی وامانی ادا کنگءُ اے پڑآنی بانداتئَ منصوبہ بندی ئِ الکاپیءُ تفصیلی چارءُ تپاسی پیش کنگ بیت۔ اقتصادی جائزہ رپورٹ برائے مالی سال 2016-17ئِ تہا ملکئِ مچ آباتی، مردمی قوت، روزگارئِ پھجاری، نیزگاری ئِ شرح ئِ تہا کمی، ٹرانسپورٹءُ ھال رسانکی ئَ ابید دگہ پڑآنی تہا کارءُ کردئِ تپاسی کنگ بیت۔ ایشی ئَ ابید سروے ئِ تہا ماحولیاتی موسمیاتی مٹءُ بدلی ئِ سوبئَ پیش آیوکیں جیڑھءُ جنجال ءُ ٹیکس آنی نظام ئِ تہا گہتری ءُ دائرہ کارئِ تہا گیشی ءَ ھوار دگہ ھاسیں سماجی ءُ معاشی پڑآنی ئِ تہا آنوگیں کارءُ کرد ءُ بانداتئِ اہداف ٹہینگ ھم بنت کہ راجی معیشت ئِ لوٹ کتگیں شرح نمو ئِ ھاصل کنگئِ ھاترئَ کمک کار بنت۔
