اسلام آباد۔4جون (اے پی پی): بنجاھی وزیر ھزانگ ءُ گپت ءُ گیر سینیٹر محمد اسحاق ڈار ءَ گوشتگ کہ نوکیں مالی سال ءِ بنجاھی بجٹ تاجر ءُ کاروبار دستی بجٹ ءَ السی گہبود ءُ سرمایہ کار ی ءِ دیمروئی ءِ نیمگ دلگوشی دیگ بیت۔ یک شمبے ءِ روچ ءَ وتی انٹریو ءَ وزیر ءِھزانگ ءَ گوشتگ کہ حکومت گنجاشک ء ِ رد ءَ الس آناں گیشاں چہ گیش ریلیف پجاری کنگ ءِ واستہ گامگیج کنگ ءَ انت، معاشی سکی آں ابید حکومت ءَ یک ماہے ءَ چہ کم وھد ءُ پاس ءَ پٹرولیم ءِ قیمت آنی تہ ءَ دو رند ءَ کمی کتگ۔ ایل پی جی ءُ وردن ءُ وراک ءَ مان کنگی ٹیل ءِ قیمت آنی تہ ءَ باز کمکی کنگ بوتگ ایشی ءَ چہ الس آناں ریلیف رستگ۔ وزیر ءِ ھزانگ گوشت کہ مھکمیں نمبگ ءُ اقتصادی سیم سر آنی در جنگ ءِ واستہ حکومت دراج بریں گامگیج چست کنگ ءَ انت۔ وزیر ءِ ھزانگ ءَ گوشتگ کہ حکومت ءِ دلگوش الس آناں گیشاں چہ گیش ریلیف ءِ پجاری ءِسر ءَ انت۔ ملک ءَ را دیم ءَ برگ لوٹاں۔ بجٹ ءَ را السی واھشت آنی رد ءَ جوڑ کنگ ءِ کوشست بیت۔
