اسلام آباد۔4جون (اے پی پی): مزن وزیر محمد شہباز شریف ءُ ترکیہ ءِ صدر رجب طیب ایردوان ءُ آئی ءِ لوگ بانک ءِ نیام ءَ گوں گل ءُ شاتی ءَ تران کنگ بوت اے ساھت ءَ پاکستانی امب آنی توسیپ کنگ بوت۔ صدر ایردوان ءِ سوگندی دیوان ءَ روادگی ءِ موہ ءَ تران آنی ساھت ءَ مزن وزیر شہباز شریف ءُ ترک صدر ءُ آئی ءِ لوگ بانک ایردوا ءَ گوں گل ءُ شاتی ءَ تران وت مہ وت کت۔ مزن وزیر ءَ ترکیہ ءِ صدر ءَ را گوشت کہ آ نوں واپس روانگ بوھگ ءَ انت ءُ پاکستان ءِ الس ترکیہ ءِ الس آں چہ گیش تئی گچین بوھگ ءِ پد ءَ گل ءُشات انت۔ مزن وزیر شہباز شریف ءَ سوگندی مراگش ءَ بھر زوری ءِ دعوت ءِ پد ءَ صدر ایردوان ءِ شگر ءُ منت واری گپت ء گوشت کہ تئی دعوت دیگ ءِ پد ءَ شگر ءُ منت واری آں کہ تو مارا اے وشیں موہ ءَ آیگ ءُ ساڑی بوھگ ءِ دعوت داتگ۔
