اسلام آباد ۔ 24 مئی (اے پی پی) مزن وزیر محمد نواز شریف ئَ گوشت کہ پاکستان یک شل ئَ اقتصادی دیمروئی ئِ بدولت ئَ در ملکی سرمایہ کاری ئِ ھاترا جوانیں موہ پیش کنگ ئَ اِنت۔ ملک ئِ ریگولیٹری ئُُ سپروائزری ئُُ فریم ورک سک باز دیمروئی پسند اِنت ئُُ میاں اوستمانی سرمایہ کار آناں کمک جاور پُجارینگ ئَ اِنت۔ آئی ئَ گوشت کہ اے گپ سٹینڈرڈ چارٹر ڈ بینک ئِ چیئرمین جوزے وینالز ئَ چار شمبے ئِ روچ ئَ تران کنان ئَ کُت۔ مزن وزیر ئَ گوشت کہ پاکستان ئِ بینکاری شوبگ ئَ وھد ئِ گوزان ئِ گوما دلگوش کرزیں ئُُ مھکمیں رنگ ئَ کرد ئِ درشان کتگ۔ آئی ئَ گوشت کہ نمبگ ئِ بنجاھ ئِ سر ئَ دلگوشی ئِ پالیشی آنی بدولت ئَ پاکستان ئِ شمار نوں دیمروئی کنوکیں منڈی آنی گوما بوھگ ئَ انت۔ آئی ئَ گوشت کہ پاکستان ئِ سٹاک مارکیٹ ئَ 2016ئَ 5گہتریں کرد ئِ درشان کنوکیں سٹاک مارکیٹس آنی لڑ ئَ ھوار کنگ ئُُ مئے استیں جی ڈی پی ئِ نمبگ 5.3درسد ئَ چہ گیش اِنت۔ مزن وزیر ئَ چیئرمین سٹینڈرڈ چارٹرڈ بینک ئَ را گوشت کہ آ مھکمیں سرمایہ کاری ئِ بنیات ، مڈی ئُُ نپ ئُُ سیت ئِ لڑ ئَ جوانیں نمگ ئُُ میاں اوستمانی کچ ئُُ کیل ئِ گوما یکوئی ئَ پاکستان ئَ بینکاری ئِ شوبگ ئَ سرمایہ کار آںی ھاترا پڑ ئَ جوانیں ھند داتگ۔ آئی ئَ گوشت کہ سی پیک ئِ چیر دستی ئَ ھاٹیگ ئُُ بنیاتی شوبگ آنی تہ ئَ گیش بوھوکیں در ملکی سرمایہ کاری ئِ گوما پاکستان ئِ یک شل ئَ اقتصادی دیمروئی، گیشتریں سرمایہ کاری ئِ موہ پُجارینگ ئَ اِنت۔ مزن وزیر ئَ چیئرمیں سٹینڈرڈ بینک ئِ تر ئُُ تاب ئَ را وز اتک کنان ئَ گوشت کہ اسٹینڈرڈ چارٹرڈ بینک پاکستان ئَ دُرستاں چہ کوھن تریں ئُُ دُرستاں چہ مستریں میاں اوستمانی بینک آنی لڑ ئِ تہ ئَ یک اِت۔ آئی ئَ میاں اوستمانی کچ ئُُ کیل ئِ رد ئَ پاکستان ئَ اسلامی بینکاری ئَ ھوار نوکیں ٹیکنالوجی ئُُ نوکیں مالیاتی چیز آنی پجار کنگ ئِ ھاترا بینک ئِ جزم ئَ را ساڑات۔ چیئرمین سٹینڈرڈ چارٹرڈ بینک ئَ را وش اتک کنان ئَ آئی ئَ مزن وزیر ئِ شگر گپت ئُُ پاکستان ئِ گوما کمک ئَ را گیش کنگ ئِ درشان کُت۔ سٹینڈرڈ چارٹرڈ بینک ئِ چیف ایگزیکٹو آفیسر ئُُ منیجنگ ڈائریکٹر (نارتھ) ھم چیئرمین ئِ ھمبراہ اَت۔
