انقرہ۔3جون (اے پی پی): مزن وزیر محمد شہباز شریف ءَ پاکستان ءَ ترکیہ ءِ سرمایہ کاری ءَ را وش اتک کتگ۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ مزن وزیر شہبا ز شریف ءَ شمبے ءِ روچ ءَ چیئرمین پاک – یاترم ءُ ترکیہ ءِ ڈنی اقتصادی یکوئی بورڈ ڈی ای آئی ءِ صدر نیل اولپاک ءَ گند ءُ نند کت۔ گند ءُ نند ءَ پاکستان ءَ جوانیں ھاٹیگ ءُ جوڑیشتی شوبگ ءَ سرمایہ کاری ءِ ھوالگ ءَ سرمایہ کاری ءِ ھوالگ ءَ تران کت۔ ترکیہ ءِ ڈنی اقتصادی یکوئی بورڈ ءِ صدر ءَ مزن وزیر ءَ را ترک کمپنی آنی پاکستان ءَ سرمایہ کاری ءَ جھلانکی آنی بابت ءَ سرپد کت ایشرا مزن وزیر ءَ وش اتک کت۔ گند ءُ نند ءَ بنجاھی وزیر اھوالکاری مریم اورنگزیب ، ھاسیں کمکار طارق فاطمی ءُ ترکیہ ءُ پاکستان ءِ سفیر ڈاکٹر یوسف جنید ھم شریک ات۔
