انقرہ۔3جون (اے پی پی): مزن وزیر محمد شہباز شریف ءَ گوں ترکیہ ءِ نامداریں کمپنی لیمک ہولڈنگز ءِ چیئر پرسن ایبرواوزد میر ءَ گوں گند ءُنند کت۔ گند ءُ نند ءِ ساھت ءَ پاکستان ءَ ھاٹیگ ، انفراسٹرکچر ، سیل ءُ سواد ءُ جوڑیشتی شوبگ ءَ سرمایہ کاری ءِ ھوالگ ءَ ھیال ریچی کنگ بوت۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ترکیہ ءِ دو روچی تر ءُ تاب ءَ انت، آئی ءَ گوں نامداریں کمپنی لیماک ہولڈنگز ءِ چیئرپرسن ایبررو اوزد میر ءَ گوں گند ءُ نند کت ءُ اے جزم ءِ درشان کت کہ ایواوزد میر پاکستان ءَ سیادی داروکیں اسٹیک ہولڈرز ءَ گوں یل شلی ءَ گپ ءُ تران ءِ واستہ زوت پاکستان ءِ تر ءُ تاب ءَ کنت۔ آئی ءِ تر ءُ تاب ءِ مول ءُ مراد پاکستان ءُ ترکیہ ءِ نیام تجارت ءُ سرمایہ کاری ءَ را ودینگ ءِ کمک آنی واستہ یکجائی منصوبگ آناں پکوئیں رنگ دیگ انت۔
