اسلام آباد۔01 جون (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان تینا کارندہ و پارٹی راہشون تا است و ذہن ءِ خار انا زیار آن پُر کرسا سانحہ 9 مئی ءِ کرفے، داسہ دروغ تڑنگ ءِ کہ او دانا زموار اف ، دا ہمو بندغ ءِ ہرا آئین، کانود، صداقت و امانت نا ہرلکیر ءِ پار کرے۔ پنچ شنبے نادے آ عمران خان نا انٹرویو آ ردعمل نا درشانی ءِ کرسا تینا ٹویٹ اٹی بنجائی وزیر حوالکاری عمران خان نا انٹرویو نا جملہ’’کنے زندان اٹ شاغرہ تو ردعمل تو مروئی ئسک‘‘ ، ارٹ میکو جملہ’’ دا غٹ ءِ ورکرو پارٹی ورکرآک کرینو‘‘ نا حوالہ ءِ ترسا پارے کہ دا انٹرویو اس اف ، دوغلہ و دروغ کڑد انا شخصیت نا آئینہ و اصل دروشم ءِ، دا ہموغٹ اکن سبخ ءِ ہرا ریفوک آنا ریفنگ و فریق نا گواچی مسر، ہرغلط کاریم ءِ تینٹ کریر ، ہر وار ہلنگ آ دوبہ ءِ ایلوفتیا خلکر۔ بنجائی وزیر پارے کہ ’’ون پیج‘‘ آن ‘‘ای تو بے اختیار ئسٹ‘‘، ’’ امریکہ کنا حکومت ءِ بٹفے’’آن ‘‘ محسن نقوی کنا حکومت ءِ بٹفے‘‘ اسکان نا دروغ تڑوک آ بندغ داسہ 9 مئی نا ملبہ ءِ ہم آخرکار تینا کارندہ و پارٹی راہشون تیا شاغانے۔
