اسلام آباد۔31مئی (اے پی پی):آزات جموں کشمیر ءِ مزن وزیر چوہدری انوار الحق ءَ زرداری گس اسلام آباد ءَ وزیر ءِ درئی کار پاکستان ءُ چیئرمین پاکستان پیپلز پارٹی بلاول بھٹو زرداری ءَ گوں گند ءُ نند کت۔ دوئیں سروک آں آزات کشمیر حکومت ءِ استیں معاشی جیڈھ، انوگیں بجٹ ءُ آزات کشمیر ءِ السی سیاسی جاور ھال آنی ھوالگ ءَ ھیال ریچی کت۔ وزیر ءِ حکومت راجہ فیصل ممتاز راٹھور ھم مزن وزیر ءِ ھمبراہ ات۔ زرداری گس ءَ آیگ ءِ پد ءَ مزن وزیر چوہدری انوار الحق ءَ را صدر پیپلز پارٹی آزات کشمیر چوہدری محمد یٰسین ءَ وش اتک کت۔ وزیر ءِ درئی کار بلاول بھٹو زرداری ءَ کشمیری الس آنی سیاسی ، اخلاقی ءُ سفارتی کمک آناں جاڑی دارگ ءِ جزم ءِ درشان کت۔ آئی ءَ گوشت کہ کشمیر ءِ جیڈھ ءِ رد ءَ میاں اوستمانی کوشست آناں ترند کنگ بیت تانکہ کشمیر ی آناں آوانی وت واجئی ھک ءَ را پجارینگ بہ بیت۔
