اسلام آباد۔ 31 مئی (اے پی پی) بنجائی وزیر خزانہ و محصولات سینیٹر محمد اسحاق ڈار محصولات آتیٹی ودکی نا بابت سیالکوٹ ایوان صنعت وو اپار نا خذمت آتاستاءِ کرینے۔ اوداہیت ءِ چارشنبے نادے آ داڑے سیالکوٹ ایوان صنعت و واپار نا ڈل اتون ایف بی آر ہیڈکوارٹرز اٹی اوڑدہی ٹی گپ وتران کرسا پارے۔ داوخت آ وزیر دفاع خواجہ محمد آصف ہم ساڑی ئسک۔ سیالکوٹ ایوان صنعت و واپار نا ڈل وزیرخزانہ ءِ پوسکن آ مالی سال انا بنجائی بجٹ کن سلاہ و سلاہ و سوج پیش کرے۔ بنجائی وزیر خزانہ پارے کہ مشکل اقتصادی حالیت آتیان پد ہم حکومت ملک اٹی کاروبار و زرکاری نا مون آ دننگ کن گام گیج آتا چرجوئی ءِ برجاتخک ۔ اوپارے کہ مستین اٹ پوریاگر و زرکارآتون اواری اٹ مشکل آتا مقابلہ ءِ کرین و ملک ءِ مشکل حالیت آتیان کشنگا۔ اوریونیو ٹی ودکی کن سیالکوٹ چیمبر و ملک انا کاروباری برادری نا خذمت آتا ستاءِ کرے۔ اوپوریاگرآتا کنڈآن بجٹ سلاہ تا ستاءِ کرے و پارے کہ حکومت دا سلاہ و سلاہ وسوج آتا جاچ ءِ ہلیک و اوفتے بجٹ اٹ اوار کننگ کن گام گیج کیک۔
