اسلام آباد۔ 31 مئی (اے پی پی) بنجائی وزیر توانائی خرم دستگیر پارینے کہ پاکستان اٹی بجلی نا پیدوار نا سیبو درآمدی ایندھن آ مفک۔ داخیال آتا درشانی ءِ او چارشنبے نادے آ لیڈرزان اسلام آباد بزنس سمٹ آن تران کرسا کرے۔ اوپارے کہ ننے درآمدی کولا، آرایل این جی و تیل ءِ بجلی نا پیدوار آن پیشن کروئی مریک۔ ساڑی آ گورننس و زرگزران نا نظام منہ بندغ ءِ فائدہ تننگ آن بیدس الس ءِ آسراتی فراوان کپننگ ءِ۔ اوپارے کہ مسلم لیگ (ن) نا حکومت بس تو کولا و قدرتی گیس کون آ اڑزان ایندھن آن بجلی ودی کروک آپلانٹ خلک ولے یوکرین و روس انا جنگ آن کولا 400 درسد کبین مس ہراڑان توانائی نا پیدوار نا پوسکن آ نظام ءِ دھچکہ اس لگا۔ ہراتم یورپ ءِ گیس انا فراوانی سلیس تو یورپ مارکیٹ اٹی دوئی گیس ہلک، پاکستان اٹ بجلی نا پیدوار نا بابت حکومت اہس بھلو ری تھنک اس کرے کہ داسہ دا درآمدی ایندھن آ مفک۔ پاکستان تون بجلی نا پیدوار نا پنچ ذریعہ بچار، شمسی و ونڈ گیگ بدل توانائی نا ذریعہ غاک ءُ ولے اوفتا تینا ویل آک ءُ۔ اوپارے کہ ہائیڈل انرجی مکس اٹی اسہ بھلو ذریعہ اس جوڑ مننگ ءِ، ننا حکومت بننگ آن مست تدوک آ سال 660 میگاواٹ بجلی تھرانا کولاآن جوڑ مسکہ داسہ 2000میگاواٹ تھرکول آن بجلی جوڑ مننگ ءِ۔ بجلی نا پیدوار کن تھرکول نا واپاری اہمیت آن کس اس انکار کننگ کپک۔ اوپارے کہ آخبت حکومت کن بجلی نا پیدوار کن پنچ ذریعہ جتا کرینن۔ ونڈ و سولر نالارج اسکیل ڈٹ خلنگ انگ ءِ۔ اوپارے کہ ہندی وسیلہ غاتیان بجلی نا پیدوار نا اثر مون آ بسنے ، روپئی نا قدر اٹی ترندی اٹ کمتی آن پد ہم ستمبر 2022آن پد آن بجلی نا نہاد اٹی ودکی کتون۔
