سکھر۔ 31مئی (اے پی پی) بنجائی وزیر آبی وسیلہ سید خورشید احمد شاہ تون واپڈا ہائیڈرو یونین نا ریجنل سیکرٹری شجاعت علی گھمرو اوڑدہی کرے۔ شجاع گھمرو پوسکن گچین مروک آ عہدیدار آتون بنجائی وزیر نا درستی راستی اوڑدہی اس کرفے و مزور آتے مون تروک ویل و مشکل آتیان معلومدار کرے۔ سید خورشید احمد شاہ ہرممکن کمکاری نا باوری کرفے۔ بنجائی وزیر سید خورشید احمد شاہ نا داوخت آ پاننگ ئسک کہ واپڈا ہائیڈرو یونین نا صدر عبدالطیف نظامانی اسہ جوان ءُ لیڈرا سے۔ اوٹیل فون رابطہ نا کمک اٹ عبدالطیف نظامی تون ہیت ہم کرے و اونا فیصلہ غاتا ستاءِ کرسا پارے کہ کنے خوشی مننگ ءِ کہ واپڈ ایونین اسہ جوان ءُ فیصلہ اس کرے کہ ورناتے مون آ لیڈ کننگ نا موقع اس فراوان کرینے۔ داوخت آ پوسکن گچین مروک آ ریجنل جنرل سکرٹری شجاعت علی گھمرو بنجائی وزیر ءِ مزور آتا ویل و مشکل آتا بابت سرجم آتے ترسا پارے کہ ساڑی آ کبینی نا دادور اٹی واپڈا نا پینل ہسپتال مننگ بھاز المی ءِ وخت اس کہ سیپکو ٹی بایدے پوسکن ءُ بھرتی مرے تانکہ لائن مین آ ہراکاریم نا ودکی بھاریم ءِ او کم مننگ کے۔ سید خورشید احمد شاہ غٹ ویل آتے بِننگ آن پد پوسکن گچین مروک آ یونین ریجنل سیکرٹری شجاعت علی گھمرو ءِ تینا ہرممکن کمکاری نا باوری کرفسا پارے کہ او مزور سنگت آتا راجی آسودہی کن کاریم کیر نن ہروخت نمتون تفوک اُن۔
