گورنرسندھ اتون بلوچستان اسمبلی نا مسکوہی اسپیکر نا اوڑدہی ، تین پہ تینی است خواہی نا امور آ گپ و تران

کراچی۔ 31 مئی (اے پی پی) گورنر سندھ کامران خان ٹیسوری تون بلوچستان اسمبلی نا مسکوہی اسپیکر سید مطیع اللہ آغا گورنرہاؤس اٹی اوڑدہی کرے، اوڑدہی ٹی ملک انا جم سیاسی حالیت، زرگزرانی مشکل، سندھ و بلوچستان نانیام اٹ خڑکی کمکاری نا مون آ دننگ و تین پہ تینی است خواہی نا ایلو امور تیا گپ وتران کننگا۔ گورنر ہاؤس آن جاری اعلامیہ نا رداٹ گورنر سندھ پارے کہ تین پہ تینی کمکاری ٹی ودکی ہڑتوم آ صوبہ غاتا مفاد اٹی ءِ دارداٹ چندی بشخ آتیٹی ڈل آتا ہن و برآن تین پہ تینی کمکاری  ءِ مون آدننگ دوئی مریک۔ اومستی پارے کہ ملک انا حالیت آک ننا غٹ انا چکارنا خواہندار ءُ، 9مئی واقعہ غاتا مچ آ قوم مذمت ءِ کرینے۔ کامران خان ٹیسوری پارے کہ پاکستان نا سوگوی نا ضمانت سلہہ بند فوج انا ماڑی تے شست کننگ ملک دشمنی اسے۔ مسکوہی اسپیکر مطیع اللہ آغا پارے کہ اونا واقعہ غاتا برخلاف مچ آ قوم متحد و سلہہ بند فوج اتون ءُ۔