پاکستان  ایمنی،  برجائی، دیمروئی  ءُ  بنی آدمی ھک   آنی سر ءَ   سرجمیں دل   یکیمی دار ائیت،  پاکستانی  پیس  کیپر  ز  سرجمیں دگنیا  ءَ  ایمنی   ءِ واستہ   گیشاں چہ گیش  کرد پیلو کنگ ءَ انت،  وزیر ءِ مملکت  برائے    درئی کار  حنا ربانی کھر ءِ  یونائیٹڈ  نیشن  ءِ  ایمنی ءِ   ٹروپ   آنی  75  ھپتاد ءُ پنچمی  مراگش ءَ  گوں گشتانک

اسلام آباد۔30مئی  (اے پی پی): وزیر ءِ   مملکت برائے  درئی کار   حنا  ربانی کھر ءَ گوشتگ کہ پاکستان ایمنی،  برجائی ، دیمروئی   ءُ  بنی  آدمی ھک آنی سر ءَ سرجمیں  دل یکیمی دار ائیت،   یونائیٹڈ  نیشن ءِ چیر دستیں پاکستان  دگنیا  ءِ      جنگ ءَ   چہ آماچیں   دمگ آنی  تہ ءَ ایمنی  ءِ برجائی ءِ واستہ ارزشتی ایں کرد  ءِ  پیلو کنگ ءَ انت،  پاکستانی پیس کیپرز  سرجمیں دگنیا  ءَ ایمنی ءِ برجائی ءِ واستہ  وتی  گیشاں چہ گیش  کرد  پیلو کنگ ءَ انت۔ اے ھیالانی درشانی آئی  ءَ سئے شمبے  ءِ  روچ  ءَ   یونائیٹڈ  نیشن  ءِ ایمنیں   ٹروپ ءِ  75   ھپتاد ءُ پنچمی  سالروچ ءِ موہءَ گشتانک  دیان ءَ کت۔  وزیر ءِ  مملکت  برائے  درئی کار     ءَ  گوشت کہ مئے  پیس  کیپر ز  سرجمیں دگنیا  ءَ   ایمنی ءِ واستہ   وتی جان آنی قربانی  داتگ۔  177  پاکستانی  پیس کیپرز  آں ایمنی ءِ واستہ جان آناں ندر  کتگ۔  حنا ربانی  کھر ءَ گوشتگ کہ پاکستانن  ءِ  یو این پیس ءِ گوما  تاریخی شریکدار انت ءُ  پاکستانی پیس  کیپرز  سرجمیں دگنیا  ءَ  ایمنی ءِ   برجائی ءِ واستہ  وتی کرد ءَ  پیلو  کنگ ءَ انت۔  گوستگیں  سال    ءَ  8  پاکستانی  پیس کیپرز  آں یونائیٹڈ  نیشن   ءِ بیرک ءِ چیر  ءَ   جام ءِ  شہادت  نوش  کتگ۔  وزیر   مملکت   برائے   درئی کار حنا ربانی کھر ءَ گوشتگ کہ پاکستانی  زالبول  زندمان  ءِ ھمک  شوبگ ءَ ارزشتی ایں کرد ءِ   پیلو  کنگ  ءَ انت۔   آئی  ءَ  یونائیٹڈ  نیشن ءِ     دست ءِ چیریں  پاکستانی  ایمن  ٹروپ  ءِ  دگنیا ءِ جتائی  جتائیں دمگ آنی تہءَ   ززمت   ءُ   ایمنی ءِ برجا  دارگ ءِ واستہ   اے  گیشاں چہ گیش  کوشست آنی  تران   ءَ کنانءَ     توسیپ ءُ ستا پیش  کت۔  اے  گپ لائک ءِستا  انت کہ یونائیٹڈ  نیشن ءِ ایمن   فوج ءِ  75  سالی تاریخ ءَ  انوگ ءَتاں   ٹوھیں کساس ءَ پاکستانی پیس  کیپرز آں یونائیٹڈ  نیشن ءِ  46   امن  مشنز  آنی  تہءَ  دلیری ءِگوما   ازمت    پیلو کتگ انت۔