اسلام آباد ۔ 30 مئی (اے پی پی) بنجائی وزیر خزانہ و محصولات سینیٹر محمد اسحاق ڈار ترکیہ نا صدارتی گچین کاری تیٹی رجب طیب اردوان ءِ مسٹ میکو وار صدر گچین مننگ آمبارکبادی تسنے۔ سے شنبے نادے آ تینا ٹویٹ اٹی اوپارے کہ ترکیہ نا صدارتی گچین کاری تیٹی پدریسہ مسٹ میکو وار سرسہبی اٹ صدر اردوان آ ترکی نا الس نا پت انا ڈیک مننگ ءِ۔ وزیرخزانہ دا اومیت نا درشانی ءِ کرے کہ ترکیہ ساڑی آ زمی جمب آن ودی مروک آ ویل ومشکل آتا مون ءِ تورسا اسہ شونہال و سوگو ءُ ملک اس جوڑ مرسا مون آ بریک۔ وزیرخزانہ ترکیہ نا صدر کن نیک است خواہی نا ہم درشانی ءِ کرے۔
